Benepisaryo Part II

Sa kasong Panlaqui vs. Velasco (G.R. No. 188671, Pebrero 24, 2010), ang Korte Suprema miingon nga ang napili nga bise mayor mao ang mahimong mayor human ang kandidato sa pagkamayor midaug og gidisqualify. Sa lokal nga piniliay niadtong tuig 2007 nagharong sa pagkamayor sa Sasmuan, Pampanga sila si Mozart P. Panlaqui ug Nardo M. Velasco. Midaug si Velasco ug ikaduha lamang kaniya si Panlaqui. Apan sa wala pa ang eleksiyon gipadiskuwalipay ni Panlaqui si Velasco tungod sa isyu nga misrepresentation mahitungod sa iyang residency.

Tungod kay napakyas ang Comelec sa pagresolbar sa isyu sa diskuwalipikasyon ni Velasco ang naulahi nanumpa ug milingkod nga mayor. Human manumpa ug milingkod nga mayor gikanselar sa Comelec ang sertipiyiko sa kandidatora ni Velasco. Tungod niini, miduso dayon og mosyon si Panlaqui sa Comelec nga iproklamar siya nga mananaug ug manumpa nga mayor apan gibasura sa Comelec ang iyang mosyon hinungdan sa iyang pagdangop sa Korte Suprema.

Wala mopabor ang Korte Suprema ni Panlaqui. Ang labaw’ng hukmanan miingon nga ang pagtugot sa napildi ug gisalindot sa katawhan nga kandidato nga mahimong Mayor bisan pa man sa pagsalindot kaniya usa ka matang sa pag-disenfranchise nga dili nila kasalanan ug usa ka matang sa pagbaliwala sa pagkamahinungdanon sa demokrasya ug katungod sa katawhan sapagpili og opisyal basi sa ilang kabobot-on. Dinhi, ang milingkod nga mayor sa Sasmuan, Pampanga mao ang Besi Mayor basi sa lagda sa succession. Basi ning maong hukom, mahimong Presidente si Sara Duterte.

Sa kasong Maquiling vs. Comelec (G.R. No. 195649, Abril 16, 2013), ang Korte Suprema miingon nga ang diskuwalipikasyon sa kandidato mibalik ngadto sa iyang pagduso sa iyang sertipiyiko sa pagkandidato busa ang gidiskuwalipay nga kandidato ideklarar nga dili kandidato ug tungod niini ang boto nga iyang nakuha sa eleksiyon dili puwede nga ihapon sa iyang pabor. —Sumpayan pa