Pinklawans hilig manggubot

Sa pagsulat niini, Mayo 10, 2022 sa ika-alas 11:59 sa buntag ang takna, base sa partial and unofficial election result nga gi-monitor sa mainstream media ug social media, ang naangkon nga botos ni Bongbong Marcos (BBM) sa May 9 presidential race nga iyang gidaganan, miabot nag 30,790,621 (97.14%) nga kabahin sa kinatibuk-ang suma total nga iphonon botantes. Ang gipanggang presidential candidate sa kaobispohan (hinuon dili tanan), Leni Robredo, maoy nagsunod, kinsa nakakuha og 14,694,836 votes. Diin, bisag (2.86%) na lang ang nahabilin sa ihaponong botos, wala pa mopabati sa hingpit nga pag-concede.

Hinuon, siya mabinationg nagpasalamat sa tanan niyang dumadapig, kinsa walay hunong nga mipadilaab sa ilang walay pagkapawong nga suporta aron ang gipaka-santa nilang kandidata maoy modaog sa pagka pangulo sa Pilipinas.

Dili impresibo ang gibasang script-pasalamat ni Leni. Kay kini daw nagpahayag og dakong pagduda, nga sa Comelec may mga iregularidad nga kalihokang nahitabo sa iniphanay.

Aniay tipik sa iyang pamahayag: “Alam kong hindi madaling tatanggapin sa inyo ang mga numerong lumalabas sa quick count. Hindi lang panghihinayang. Kundi, malinaw ang pagkadismaya na naramdaman sa ating hanay. Mulat din ako! Ang pagkadismayang ito ay maaring lalong kumulo. Lalo pa, na may inuulat na irregularity sa halalang ito.”

“Hindi pa tayo tapos. Nagsisimula pa lang tayo. May landas na nagbukas. At hindi ito sasara kasabay ang mga presinto. May kilosang isinilang. At hindi ito papanaw sa pagtatapos ng bilangan. Ang namulat hindi na ulit mapipikit.” Dugang bahad ni Leni.  Busa, walhong grupo sa mga kabatan-onan, kinsa diehard Leni supporters ug sama niya, dili makadawat og kapildehan, misulong atubangan sa Comelec didto sa kaulohan, nagprotesta kay ang eleksiyon gitikas kuno. Sila nagsiyagitsiyagit nga si Marcos ug Duterte diktador ug tuta kuno. Maayo gani, kay may barikada sa kapolisan ug military nga nagbantay. Ug ang maong mga dangan sa katilingban napugngan sa giplano nilang daotang tinguha.

Maximum tolerance ang  gipatigbabaw sa mga nakauniporme. Pagsuporta-respeto sa unity nga kawsa sa BBM-SARA Uniteam. Nga maoy unang bulawanong tahas sa umaabot natong bag-ong presidente sa Republika sa Pilipinas Bongbong Marcos ug Bise Presidente Inday Sara Duterte-Carpio.

Lahi sa Pinklawans, kinsa mahilig kanunay sa kagubot-kaungkagan. Ug dili sa kauswagan-kahiusahan!