Ang atong subayon
Pinasikad sa Juan 14;6-14
Ako ang dalan ang kamatuoran ug ang kinabuhi. Mao kini ang mga pulong gilibkas sa atong Ginoo.
Pulong nga nagdala og pasalig nga kun makigkuyog lang kita kaniya nan, mamahimong maluwas apan sa kondisyon nga kita moagi sa dalan, mopuyo sa kamatuoran ug manlimbasog alang sa kinabuhi.
Kini nagpasabot nga:
Nga ang dalan nga subayon mao man kadtong dalan nga gilaktan sa atong Ginoong Jesu kristo.
Ang maong dalan kun buot hunahunaon dili sayon. Sigpit ug puno sa kalisod. Dugang pa ang maong dalan nga gisubay puno sa daghang mga pagsulay anaa ang krus nga atong pas-anon samtang padayon kita sa atong panaw.
Nga ang kamatuoran nga atong gipangindahay mamahimong pangindahay alang sa kadaghanan.
Ning panahona karon daghan ang buot maminaw sa mga bakak sanglit komportable man silla sa pagpaminaw niini. Ang kamatuoran bisan pa man kun sakit maoy maghatag kanato og kagawasan.
Apan subo kaayo kay daghan kanato karon ang miyubit sa dakong bili sa kamatuoran. No wonder daghan ang fake news ning mga panahona.
Kinabuhi. Ang kinabuhi mahinungdanon. Apan dili lang kini mahitungod lang sa pagginhawa hinunoa ang kinabuhi nga nagmantala sa kalooy ug gugma sa Dios alang sa atong kinabuhi.
Hapit na ang piniliay busa iduso ang mga tawo nga nihatag og dakong bili sa tawhanong kagawasan.
Kadtong mga kandidato nga nagsubay sa husto ug tarong nga dalan.
Dili ang dalan sa kamatayon, sa bakak ug pagkawalay kapaingnan. Hinaut pa unta.
- Latest