Angayan bang ipausab ang first name sa birth certificate?

Dear Atty. Divine,

Nagkuha ko og birth certificate kay mo-apply ko og passport. Sa dihang nadawat nako ang akong birth certificate gikan sa PSA, sayup man ang spelling sa akong first name. Ang akong gigamit nga first name since ko nag-eskwela Lolit, but ang anaa sa akong birth certificate Lolita. Angayan ba nakong ipausab ang akong  birth certificate aron magtakdo ang akong records? Daghang salamat. — Lolit

* * *

Dear Lolit,

Aduna kay duha pa option, ang una nimong option mao ang pagpa correction sa imong first name sa birth certificate gikan sa Lolita ngadto sa Lolit. Imo kining i-file sa Local Civil Registrar diin ka narehistro og imong i-support sa imong petition ang imong mga school records og government issued ID nga naggamit sa pangan nga Lolit. Ang pagpausab sa imong first name molungtad og dili mominus duha ngadto sa tulo ka buwan. Mobayad ka og filing fee ug mogasto ka alang sa publication. Ang ikaduha nimong option mao pagsunod nalang sa imong first name nga maoy nalatid sa imong birth certificate. Dili na ka mogasto og filing fee ug makalukat pa ka dayon og passport. Apan kinahanglan nimo nga ipausab ang imong first  name sa imong school records ug ang imong mga gov’t issued ID  aron magtakdo ang imong records og ang imong gamiton nga support niini mao ang imong birth certificate gikan sa PSA. Thank you and God bless.— Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana, pinaagi sa akon column matag Miyerkules, Sabado ug Domingo.