Sinunod nga property gustong bahinon sa mga heirs

Dear Atty. Divine,

Naay properties among mga ginikanan nga wa pa nabalhin ang mga titulo niini sa pangan namong mga heirs. Nakadungog mi nga pwede pa mi maka avail sa amnesty sa pagbayad og estate tax sa BIR kay ang among parents namatay 15 years ago. Gusto unta namo nga i-process karon ang pag-transfer aron makaminus mi sa bayranan sa estate tax, unsay una namong buhaton? — Juliet

* * *

Dear Juliet,

Kun gusto ninyong i-subdivide ang properties nga inyong na-inherit then inyong ipa survey ug ipabuak ang property ug dayon mo execute mo mga heirs og Extrajudicial Partition nga diin ilatid niini ang inyong tagsa-tagsa ka bahin. Human niini, inyong panotaryuhan og ipa compute sa BIR ang inyong bayranan sa estate taxes. Adunay list of requirements ang BIR alang sa mga dokumento nga inyong i-submit inig pa-compute sa Estate tax og mamahimong mokuha mo daan niini sa BIR. Once naa na moy computation sa Estate tax inyo kining bayran aron ma process ang inyong Certificate Authorizing Registration or CAR. Inyo sab nga ipa approve ang subdivision plan kay kinahanglan ang approved subdivision plan inig process ninyo sa pagbuak sa title aron matag heir aduna nay kaugalingong titulo. Kun i-release na ang Certificate Authorizing Registration or CAR sa BIR, then inyo nang i-process ang pag-transfer sa Tax Dec ug sa Title aron mabalhin na kini sa ilang tagsa tagsa ka pangan. Apan kon dili ninyo ipa-subdivide ang property mamahimo sab kini og mogawas unya nga kamong mga heirs co-owners sa property so matag titutlo, tanang heirs maoy nakapangan niini.Thank you and God Bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.