Nakurat sa gipahamtang nga interest sa utang

Dear Atty. Divine,

Naa unta koy pangutana labot sa akung problema sa bayranan sa usa ka finance corp. Nakautang ko nila ug cellphone ug kulang nalang unta ko og bali 3 months atung December nga worth P3,000.00 . Apan lagi kay naapektuhan ko sa bagyong Odette, wala ko nakabayad kay wala pa ko nakatrabahu og balik. Apan this month nakadawat ko sa ilang text nga ni increase na akong bayranan ngadto sa 15 mil pesos kapin. Nakurat ko sa kadako sa akong bayranan. Unsay angay naku buhaton? Daghang salamat.

Noynoy

* * *

Dear Noynoy,

Duna ba moy gipirmahan nga kasabutan labot sa interest sa imong utang sa maong finance company? Kay kun wa moy gipirmahan  nga kasabutan kun pilay dapat interest sa maong utang then wa silay katungod nga mopahamtang kanimo sa maong interest. Tungod kay basi sa balaod, dili ka obligado nga mobayad sa interest nga ilang gipahamtang kun wa moy kasabutan in writing.  Pwede nimo questionon kun nganong miabot ana nga amount ang imong utang pinaagi sa pagpadala kanila og suwat. Mamahimo sab nimong bisitahon ang ilang office aron imong maklaro kun giunsa nila pag-compute ang interest. Thank you and God bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.