Sayup nga entry sa date of birth

Dear Atty. Divine,

Dunay koy pangutana labot sa sayup nga entry sa akong Birth Certificate. Ang akong gigamit gyud nga date of birth May 30, 1995 so mag birthday ko matag Mayo 30, apan karong bag-o mikuha ko og Birth Certificate May 25, 1995 man ang nabutang nga date of birth sa akong birth certificate. Unsay akong angayan nga buhaton? Angayan ba ning ipausab nako or ako nalang ni nga ipadayon? Daghang Salamat.

Gerald

* * *

Dear Gerald,

Kun imong ipadayon ang May 30, 1995 nga date of birth sa imong birth certificate mas sayon kini. Apan aron magtakdo ang imong records, imong ipa-usab ang date of birth sa imong school records, SSS, PAGIBIG, Philhealth, BIR TIN ID ug uban pa nimong dokumento. Samtang kun imo gyung ipausab ang entry sa date of birth sa imong birth certificate, kinahanglan nga mo-file ka og petition sa Local Civil Registrar diin ka marehistro ug imong i-comply ang mga requirements niini nga naglakip sa proof nga May 30, 1995 gyud ka natawo og dili May 25, 1995, kon ma-submit na nimo ang Petition sa Local Civil Registrar mo require sab na sila og publication sa imong petition ug need ka nga mobayad og filing fee ug ang proseso ani molanat pa og pipila ka buwan kay ipadala pa man sab imong dokumento sa Manila aron usbon sab ang entry sa imong date of birth sa Philippine Statistics Authority kon PSA. Busa mas sayon kun ang imong birth date  nga nabutang sa imong birth certificate mao nalang ang imong sundon. Thank you and God bless.

Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.