Gugma nga alang sa tanan

Valentine’s Day karong adlawa, unsa kahay mugna sa mga tawo nga.gusto’ng mohimo og mga pakugang o surprisa sa ilang mga gihalaran sa gugma, komon na kaayo ang buwak ug chocolates.

Ok man gihapon kini kay sweet daw kaayo nga makapa kilig sa labi na sa mga babaye nga makadawat niini, apan unsaon ning buwak inig human? Diretso sa basurahan inig ka laya niini, ang chocolate diretso pud sa pansayan inig maproseso na tiyan aw mas maayo kay napahimuslan.

Kanunay ko makakita sa Facebook sa mga pinalahi o unique nga regalo sa mga kalihokan  nga adunay kalambigitan sa gugma, inay buwak, kwarta nga giporma og bouquet ang gihatag.

Anaa usay mihatag og mga groceriess sa ilang partner ilabi na sa asawa, mas practical kini kay segurado gyud nga mapahimuslan sa tanan miyembro sa pamilya.

Karong panahona mas unahon gyud ang mga nag unang gikinahanglan sama pagkaon ug kagamitan sa balay, hinoon kong dunay extra pwede ra kadtong pa tweetams ang ihatag kay maka kilig, pero sa igo ra or wala gyuy budget maka-kirig kay wala namay ipalit og pagkaon kay giuna ang buwak ug tsokolate.

Moingon ra ang uban nga segu nalang kay kausa ra bitaw kini sa usa ka tuig, hibaw-i sad nga dili lang sa Pebrero 14 ang adlaw sa gugma kon dili sa tanang adlaw, oras. minuto 24/7.

Ang true love dili magsapayan kong unsa ang ihatag ug madawat basta gikan sa kasing kasing.

Dili sad mo-demand ug labaw sa tanan mahibalo nga mosabot sa sitwasyon.

Dili sad exclusive sa mga uyab ang gugma kay alang kini sa tawo nga adunay kasing kasing, gugma sa ginikanan, anak, higala ug labaw sa tanan gugma sa kaugalingon.

Busa alang sa.mga binuhat diha nga walay uyab ayaw na problemaha kay moabot na ra, mas maaayong buhaton nga higugmaon og una ang kaugalingon aron molambo kay basin pinaagi niini maangkon ang kompyansa o self confidence aron makakaplag og katambayayong sa kinabuhi.

Happy Valentine’s Day!