Guanzon’s exit bati

Pebrero 2, 2022 miretiro na si Comelec Commissioner Rowena Guanzon, kinsa atubangan sa publiko mipahibalo nga dato na siya daan ug daw gusto niyang ipasabot nga wala na siya magkinahangla’g kuwarta nga gikan sa mahugawng tinubdan.

Si Guanzon usa sa tulo ka commissioner sa Comelec Division I nga maoy naghupot sa Bongbong Marcos disqualification case ning paglansar sa kanhi senador pagka-presidente sa Pilipinas ning umaabot Mayo 9, 2022 election.

Nasayran gikan sa mga tingdukiduki nga si Guanzon, usa ka yellowtard sukad pa sa administrasiyong PNoy Aquino, kinsa maoy mi-appoint ni Guanzon pagka-Comelec commissioner. Ug bisa’g giilisan na ni presidential aspirant Leni Robredo og pink ang kanhi orihinal nilang kolor yellow, nagpabiling diehard Leni supporter si Guanzon.

Lakip ang tanang mipayil og disqualification case ni BBM puro dilawan ug pinklawan supporters, diin tungod niini, nakatutok ang mga mata sa tibuok kalibotan, ilabi na ang mga diehard BBM supporter, sa matag lihok sulod ug gawas sa Comekec kon unsay makab-ot pinaleng hukom sa tulo ka commissioner.

Kahinumdoman, si BBM mipayil og reklamo ngadto sa Comelec tungod kay base sa mga ebdedinsyang iyang nahuptan ug sa ilang kampo, nagtuong adunay tikas nahitabo sa miaging 2016 national election, diin si BBM milansar pagka-bise presidente kontra ni Leni, kinsa gituohang midaog tungod sa na-hacked nga smartmatic machine.

Apan naabtan na lang og laing national election, wala gyod makab-ot ni BBM ang gipangita niyang patas nga hustisya kay ang maong kaso gipakatulog og dugay sa lamesa sa mga maghuhukom hangtod nga wala gyod mahuman.

Niining bag-o, nakurat ang katawhan human gipahibalo ni Guanzon nga “yes, to disqualification” ang iyang gidesisyon sa kaso ni BBM bisag wala pa maimprinta ang pinaleng hukom nilang tulo ka commissioner.

Gisaway kini pag-ayo sa mga tadhang abogado, kinsa nasayod nga ang gibuhat ni Guanzon usa ka dakong paglapas sa Code of Judicial Conduct, diin mahimo ganing matangtangan siyag lisensiya sa pagka-abogada ug walay makuhang benepisyo sa iya unyang pagretiro.

Ning pagretiro ni Guanzon, gipintalan niya’g bati ang iyang pag-exit. Nagbilin siyag mga tunob nga makapatuog samot sa mga manggidudahon, nga diha sulod sa Comelec aduna gyoy mga binuang nga gitipigan. Unta, wala niya kini buhata.