The seniors: as guides, bridges, partners and vanguards

Ambot unsa tong tuiga, diin ang theme sa pagsaulog sa Elderly Pilipino Week nagkanayon: “Nakatatanda: Gabay, Tulay, Kaagapay at Bantay Tungo sa Kaunlaran.” Sa ato pa, ang mga senior mo-serve isip mga giya, taytayan, kauban o kaabag ug magbalantay paingon sa kauswagan. Sa laktod, agents of development.

Gumikan niini, ang atong kagamhanan miila ug mi-acknowledge niining maong mga kaakohan pinaagi sa pagtanyag ug panghatag og mga benepisyo ngadto sa mga senior citizens, “such as exemptions from the value-added tax on wide range of goods and services including medicine and health care.

“Local governments also offer various types of benefits such as free medical services and free entrance in movie houses. Shopping malls provide free parking and priority in payments and even toilet facilities. One of the latest measures to promote the welfare of citizens is Republic Act 10911 or the Anti-Age Discrimination in Employment Act. The Department of Labor and Employment has released the implementing rules for RA 10911, which prohibits various forms of employer’s actions on workers based on age.”

Kining tanan, ug uban pa, ato na kining napahimuslan, ato nang na-enjoyed. Gani dinhi sa atong dakbayan, gipadayon ang pagpanghatag sa monthly cash assistance ngadto sa mga seniors ug PWDs.

Atong panhinumdoman si kanhi Senador Loren Legarda sa iyang pagduso sa usa ka balaudnon sa Senador panghatag og higayon sa mga seniors paglingkod diha sa mga legislative bodies sa mga local government units.

Ania: “Our senior citizens deserve to enjoy a full and happy life. It is not enough that we make laws and policies for the elderly. What we must do is to allow them active participation in nation-building, particularly in policy-making and local legislation so that, they themselves can push for the institutionalization of programs that would address their special needs and concerns.”

Ang akong hinungdan nga wala may magbabalaud (both sa Senate ug sa Lower House) nga mikubit niining maong balaudnon ni Loren. Perhaps, alang kanila, kinsa man ning mga senior citizens?

Pila ra gud na sila kabuok. Pila mi kabuok? Kapin na kami sa 8 milyones ka seniors nationwide, nga kon nagkahiusa lang unta kami sa tibuok nasud, lakip na sa among mga sakop sa banay, kaparyentihan ug kahigalaan, sobra pa kaming makapadaug og president.

Mao nga gikalipay kini sa mga politiko nga nagkatibulaag kaming mga senior citizens. Divide and rule ang ilang patakaran. Kay lagi, lisud hiusahon ang mga Pinoy. Gani, bisan kon mag-organize kita’g kapunongan sa kapilya, daghan ang gustong mag-presidente mao nga moresulta dayon og panaglalis. Nganong dili man nato hiusahon ang tanang chapel organization sa atong dakbayan. Himuon ang Federation of Chapel Associations of Cebu City. Lisud no?

Ug niay dili maayo: “Younger generations of Filipinos are increasingly feeling no responsibility to care for the older members of their family, even if age and illness have debilitated the elderly.” Kaluoy sa nato no, nga ang ato karong mga batan-on nga nalingaw na pag-ao sa mga cellphones ug ubang mga modernong gadgets ug kahimanan sa komyunikasyon, wala na silay panahon ug higayon pag-amoma sa ilang katigulangan.

Bida sad no, gibayloan man lang tag mga cellphones!