Sa awaaw nga dapit
Disyembre 5, 2021: Ikaduhang Domingo sa Adbiyento
Mga Pagbasa: Bar. 5;1-9/Sal. 126/Fil. 1;4-6,8-11/Lk. 3;1-6
Basta ikaduhang Domingo sa adbiyento nahimong sentro sa atong pamalandong si Juan Magbubunyag. Usa siya ka esene kun pundok sa mga Judio nga wala matagbaw sa paagi nga gibansay ang pagtuo isip mga Judio.
Busa nihimo sila og lakang aron mas ma observe pa gyud ang ilang pagtuo sa mas radical nga paagi.
Ning paagiha niadto sila sa kamingawan ug didto nagpuyo sa kinabuhi sa pagpuasa ug pag-ampo. Gitawag kini og ascetic life.
ikaduhang Domingo sa adbiyento si Juan Magbubunyag nagtudlo kanato sa paghinlo sa dalan nga maoy agian sa mesiyas.
Dungan niini ang iyang pagpamunyag nagdala og kahinlo sa moral nga pagkinabuhi.
Ning paagiha nahimong nahaling ang kadasig sa kadaghanan sa kabag-ohan. Apan aware si Juan sa tumong sa iyang audience.
Busa hugtanon siyang nangangkon nga dili siya ang Mesiyas kondili siya ang tig-andam lamang sa dalan alang niini.
Ning taliabot nga pagkatawo sa atong Ginoo atong himoon kining mosunod:
1. Paghinulsol ug pagbag-o.
2. Paggun-ob sa mga hiwing Sistema sa atong katilingban nga naumol gumikan sa personal nga sala ug nahimong salang katilingbanon.
3. Pagpugong sa kaugalingon aron sa ingon mamahimong aron mamahimong mas makahuloganon ang pagsakripisyo.
Mahimuot ang Dios sa mapaubsanong espiritu ug mahinulsolong kasingkasing.
Mao kini ang atong halad alang sa Ginoo ning taliabot nga pasko.
Sa dapit nga awaaw atong sination ang Dios. Diha sa kahilom ato siyang hinabion.
- Latest