EDITORYAL - Bakunang made in China
Mingaw na sab ang mga vaccination sites dili lang dinhi sa Cebu City kondili hasta sa ubang mga silingang siyudad ug kalungsoran. Dili na ikahibulong kun ngano ni.
Nabantayan nang daan nga kung Chinese –made gani nga bakuna ang gihatag diha sa vaccination sites, bisan kadtong mga dugay nga nagpinaabot nga mabakunahan unya na-teksan dili gyud motunga sa adlaw sa ilang eskedyul.
Ang Chinese Covid-vaccine nga Sinovac hagbay rang gigamit dinhi sa nasud lakip ang Sugbu. Sa unang mga semana sa pagpamakuna gamit ang Sinovac, wala ray problema ug wala kaayo mamili ang mga tawo.
Apan sa dihang nanggawas ang mga balitang sagol tinuod ug duna say mga fake news bahin niini nagsugod na og pamili ang mga tawo.
Nakasamot kining mga balita bahin sa mga nasud nga nigamit sa maong bakuna apan nigrabe na hihuon ang ilang mga kaso sama sa nahitabo sa Indonesia.
Mas gusto sa mga tawo ang brand sa bakuna nga Pfizer, Astrazeneca, Moderna, Sputnik V, ug ang one-dose vaccine nga Janssen. Karong bag-o, duna na say laing Chinese-made vaccine nga niabot sa Pilipinas, kini ang Sinopharm. Ang United Arab Emirates midonar og 100 mil doses niini dinhi sa Pilipinas.
Samtang ang China modonar sab og usa ka milyon ka doses niining maong bakuna human ang Food and Drug Administration (FDA) mihatag og emergency use authority (EUA) niini.
Nakontrobersiya ang Sinopharm sa dihang gigamit kini pagbakuna sa mga sakop sa Presidential Security Group ug pipila ka mga opisyales sa gobiyerno bisan wala pay bisan usa ka brand nga aprubado sa FDA.
Bisag si Pres. Duterte Sinopharm sab ang gigamit niadtong bulan sa Mayo bisag wala pa maaprubahi sa FDA, apan nangayo kini og pasaylo sa publiko ug namahayag nga iyang tawgan ang China nga ipabawi ang donasyon 1,000 dose niini.
Apan niadtong Hulyo, nakompleto ni Duterte ang iyang ikaduhang dose sa mao gihapong bakuna.
Kung ingon niini nga dili magpabakuna ang mga taw okay ginama sa China ang iturok kanilai makab-ot kaha sa nasud ang target niining 70 porsiyento sa populasyon nga mabakunahan karong tuiga aron makab-ot ang gitawag nga “herd immunity?”
- Latest