Kinahanglan patubagon una ang empliyado

Dear Atty. Divine,

Duna koy pangutana labot sa akong igsuon nga wa makatunga sa iyang trabaho. Wa siya makapananghid  busa nasuko ang ilang HR. Tungod niini, gitawgan siya ug giingnan nga isuspenso. Ang akong pangutana kun makatarunganon ba nga isuspenso siya dayon sa trabaho bisan kun kausa ra kini niya gibuhat? Daghang salamat. —Lita

Dear Lita,

Kun ikaw empleyado sa usa ka kompaniya, kinahanglan gyud nga mananghid ka sa HR o sa inyong supervisor kun ikaw di makatrabaho for whatever reason. Kini aron makapangandam usab ang company ug aron dili maapektuhan ang ilang operasyon tungod sa wa pagtunga sa empleyado. Sa kaso sa imong igsuon aduna gyud siyay nahimong kalapasan kay wa man siya mananghid. Apan dili sab mahimo nga diretsohon siya og suspenso, kinahanglan nga hatagan siya og due process sama sa paghatag kaniya og Notice to Explain aron iya sab nga mapresentar ang iyang side una pa modesisyon ang ilang company kun isuspenso ba siya o dili. Thanks and God bless. —Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa atong column matag Miyerkules, Sabado ug Domingo.