Gustong ipa annul ang kaminyoon

Dear Atty. Divine,

Duna koy pangutana may labot sa akong sitwasyon karon. Minyo ko ug duna mi duha ka anak. Nagbuwag mi sa akong asawa 5-years ago ug nagsuporta ko sa mga bata. Karon naa koy karelasyon ug gusto unta nako siyang pakaslan. Ang akong pangutana kun mamahimo ba nga akoy mopa annul sa among kaminyuon? Unsay angayan nako nga buhaton?  Daghang salamat.

Jun

* * *

Dear Jun,

Kun aduna kay ground sa pagpasaka og Petition for Annulment of Marriage mamahimo man nga ikaw ang mo file. Apan kinahanglan gyud nimong pamatud an  sa korte ang imong pasangil  pinaagi sa pagpresentar sa imong mga ebidensya. Kini aron pag-convince sa court ug aron i-grant ang imong petition. Kon psychological incapacity ang imong ground sa pagfile og annulment then kinahanglan ka nga mopresentar og psychologist. So bisan ikaw ang mo file sa annulment  mamahimo ra basta imong mapamatud-an sa korte ang imong mga pasangil.  Kun ma grant sa court ang imong petition ug ma annotate na kini sa imong  marriage certificate then mamahimo ka nang makaminyo pag-usab.  Apan samtang wa pa ma annul ang imong marriage  magbantay ka sa imong pagpakigrelasyon kay basin og ikaw unya ang mapasakaan og kasong concubinage sa imong asawa.Thanks and God bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akonh column matag Miyerkules, Sabado ug Domingo.