Mandatory drug test ug alcohol test

Dear Atty. Divine,

Ang akong bana nakabangga og Grab driver while nag-drive siya padung pauli from the office. Naangol ang cab driver ug gidala siya sa hospital. Samtang ang akong bana gidala sa presinto. Gipailawom ang akong bana sa drug test ug alcohol test.

Mibalibad unta ang akong bana kay nakuyawan siya kun mokalit unya og ka positive ang resulta sa iyang test. Apan gipugos siya sa mga police. Ang akong pangutana kun mapugos ba sa mga police ang akong bana sa pagpa drug test ug pagpa alcohol test? Daghang salamat.

Gloria

* * *

Dear Gloria,

Yes, mapugos gyud siya sa pagpa drug test ug alcohol test after siya nakabangga og Grab driver.  Mandatory kini basi Anti-Drunk and Drugged Driving Act of 2013. Basi sa Article 7 sa maong balaod, ang si bisan kinsa nga driver nga ma involved og vehicular accident  kinahanglan nga ipailawom  sa maong mga test ilabi kun dunay namatay or naangol sa maong aksidente.

Basi sab sa Section 8 sa maong balaod, ang driver nga magdumili sa pagpailawom sa test mamahimong mapahamtangan og silot pinaagi sa pag-revoke sa iyang driver’s license ug sa pagpamulta niini. Kun ugaling ma positive ang resulta sa test, aduna pa kini confirmatory test aron pagsiguro nga accurate ang maong result. Thanks and God bless!

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkukes, Sabado ug Domingo.