Gitinguha 90% sa mga senior citizen mabakunahan tapus niining bulana

Mao kini ang gitinguha ug gipaabot sa kagamhanan, nga mabakunahan na ang 90 porsiyento sa mga senior citizen sa tibuok nasud, by end of July.

Pagkakaron, medyo hinay ang pagpamakuna sa mga senior citizen, gumikan sa mga fake news batok sa pagpamakuna. Ang ubang mga senior citizen, being vulnerable, nahadlok na lang hinuon sa bakuna.

Matud pa, the inoculation rate among senior citizens remains low, with only 10.41%. Target sa gobiyerno nga mabakunahan ang 8.27 milyon ka Filipino senior citizens sa tibuok nasud.

Ang DoH miila sa mga false information batok sa pagpabakuna, nga maoy usa sa mga hinungdan nga ang ubang mga senior citizen nagdumili pagpabakuna.

Gipanghingusgan karon ang kampanya pag-encourage sa mga senior citizen pagpabakuna. Ang DoH nag-conduct og mga town hall discussions, ug ang mga LGUs nagbutang og mga priority lanes alang sa mga senior citizen sa mga vaccination centers, ug nagpahigayon og house-to-house vaccination.

Sa niaging buwan, ang pandemic task force mitugot sa mga fully vaccinated senior citizens nga makagula na gikan sa ilang kabalayan, kini sa mga dapit nga ubos sa general community quarantine ug modified GCQ.

Apan tungod lagi nga aduna pa may kahigayonan nga ma-infected pa sa virus, giikag gihapon ang pagtuman sa mga health standards.  Sa ato pa, dili maayong ikompiyansa. Kita ra bang mga senior citizen, gibantog nga mga gahi og ulo.

Di ko gustong motuo niini. Perhaps, dali kitang masuko ug daling saputon,  apan di sad tingali mga gahi kaayo kita’g mga ulo.

Niining atong kahimtang karon, kamao baya kitang mi-understand. Wala kita magpabadlong ug wala moreklamo.

Ug niay gikan sa The Freeman: “Seniors above 65 can't attend Masses unless fully vaccinated.”

So, unless na-fully vaccinated na kita, ang nagpanuigon og 65 pataas, gidid-an pagpatambong sa Santos nga Misa.

Ako, sa akong bahin, kada-adlaw na sad hinuon kong makasimba online, ala-6 sa buntag sa dyRF, ug matag Domingo sa TV. Daghan kaayo ang mga Sunday Masses sa Youtube. Pila lang ta. So, wa gyuy rason ngano nga dili kita makatuman sa atong Sunday obligation.

By the way, kining atong pag-simba sa Santos nga Misa, dili kaayo nato isipon nga obligasyon, kay mahimo man kini nga dili tumanon. Maghimohimo dayon  kita’g mga excuses.

Kon dili, ato kining isipon nga opportunity kay dili baya sa tanang higayon ug tanang takna nga makasimba kita sa Lawas ug Dugo ni Cristo.

Kon mao kini ang atong pagtan-aw sa Santos nga Misa maningkamot gyud ta pag-simba, kay buot kitang mo-grasp niining talagsaon nga opportunity. Di ba?

Ug magpadayon kining mga existing liturgical protocols nga nag-limit by 50 percent sa church capacity sa manambong sa mga Sunday masses, ug ang pag-observe sa physical distancing ug disinfection tapus sa Misa.

Ug ”By the end of July, the rules will be reviewed to determine if there is a need to lift them. Novena, fiesta, Sundays and monthly masses in barrio chapels are suspended till the end of the month.” Apan, dili lakip sa suspension  ang mga mountain barangay chapels nga halayo gikan sa mga simbahan sa parokya.