Wa ma-transfer ang pinalit nga yuta

Dear Atty. Divine,

Duna koy napalit nga yuta 10 years ago og Deed of Sale ray akong gikuptan kay wa nako ma-transfer sa akong pangan ang property. Namatay na ang  nagbaligya niini. Unsay akong buhaton aron akong matransfer sa akong pangan ang yuta? Daghang salamat.

Leo

* * *

Dear Leo,

Kun imong i-process ang pag-transfer sa imong napalit nga property gamit ang Deed of Absolute Sale nga gipirmahan 10 years ago, mamahimo man apan magbayad ka og penalty sa BIR sud sa napulo ka tuig nga wa nimo na-process ang pag-transfer niini aside sa Capital Gains Tax ug Documentary Stamp Tax nga imong bayran .

Need sad nimo i-comply ang laing mga documents  nga gi-require sa BIR gawas sa notarized Deed of Absolute Sale sama sa acknowledgment receipt nga pirmado sa seller og official receipt gikan sa notary public nga nagnotaryo niini og uban pang rekisitos.

Kun dako ra kaayo ka og mabayran nga penalty pwede sad ka magpahimo nalang og laing dokumento nga pirmado na sa mga heirs isip maoy mga seller, inig-process nimo gamit ang document nga pirmado sa mga heirs kinahanglan nga bayran sab nimo og apil ang Estate tax aside sa Capital Gains Tax og Documentary Stamp Tax nga imong bayranan.

Pwede ka mangayo og list of requirements sa BIR alang sa pagbayad og Estate Tax ug Capital Gains Tax. Once ma-comply na nimo ang requirements then magpacompute ka sa BIR sa bayranan og human sa imong pagbayad imong i-submit kanila ang tanang  documents ug huwaton ang pag-release sa BIR sa Certificate  Authorizing Registration or CAR.  Thanks and God bless.

Atty. Divine

* * *

Alang sa inyong pangutana,  palihug lang sa pag email sa [email protected] ug akong tubagon ang inyong pangutana pinaagi  sa akong column matag Miyerkules, Sabado ug Domingo.