Sa New York City

Duna toy mga pari nga akong nakita nga nihimo og blessing o dili ba kaha exorcism sa gawas nga bahin sa usa ka abortion clinic.

Nakita ko usab didto ang ang duroha ka bayot nga mga pro-choice sa abortion ang nihimo og mga homoerotic gestures samtang naghimo sa ilang mga pag-ampo ang mga kaparian.

Duna say nikuha og mga pictures. Daw esena ang maong talan-awon, sa usa ka pelikula nga nahitabo mismo sa ilang taliwala.

Ning kapanahonan karon, daw nabanhaw ang panghunahuna nga ang yawan-ong gahum ug kusog nia na nakig-uban kanato.

Labina gyud ning mga panahona karon. Dili lang sa espirituhanong kahimtang kondili hasta na usab ang tawo nisud-ong sa iyang palibot.

Ang nahitabo karon mao nga nahimong relative ang moralidad. What is good to you is not good to me. Gipaningkamotan sa kadaghanan nga mamahimong relative ang tanan.

Bisan gani ang relihiyon gihimong mo fit in kun unsay makaayo sa gibati s pipila ug dili kita maoy mag-agad kun unsay nalatid sa atong tinuohan. Hait ug nahimong hilas ra pamninawon ang bisan unsang absolute.

Gumikan sa kadaghan sa kapilian buot ang mga tawo mosud-ong sa palibot ingon nga mouyon lamang sa bulok ug nhangin sa indibidwal nga panlantaw.

Apan dunay mga butang nga lisud kaayo i-compromise.

Tinuod lisud ang panahon karon. Apan nagpasabot ba kini nga ang over population ingon nga issue mamahimong sukaranan aron hinayhinayon og pamatay ang mga tawo?

Ug tungod sa tinguha nga mamahimong perfect kun hingpit ang matag tawo mao nga pinaagi sa genetic engineering mamahimong i-manipulate ang bata nga wala pa ipahimugso.

Ug kun ugaling dili siya kwalipikado sa gitawag nilang perfect nga tawo mao nga kinahanglan nga siya i- abort.

Sakit apan ang mga rason nga sama niini maoy hinungdan nga ipahimugso ang genocide nga mentalidad aron mahatagan og igong luna ang hinakog ug kinaugalingong tinguha sa mga elitistang grupo.

Ang mga tawo nga susama kang Hitler nga nagtuo nga ang mga Germans mga Aryan race kun superior race. The end does not justify the means mao nga padayon gihapong sayop ang abortion labina kun maghisgot kita og direct abortions.