Husay ni Chavit

Bukod-tangi ang husay ni Ilocos Sur Gov. Chavit Singson sa pulitika. Wala siyang katulad sa kabila ng mga isyung ibinabato sa kanyang panunungkulan sa nasyunal o lokal man.

Kamakailan, nanumpa si Chavit sa Nationalist Peoples Coalition (NPC). Inaasahan na magpapalakas siya sa par­tidong itinatag ni dating Ambassador Danding Cojuangco Jr. lalo sa Ilocos Region kung saan napakaimpluwensya niya sa pampulitikang buhay ng mga Ilocano.

Sabi ni Senate President Vicente Sotto III, acting chairman ng NPC, na palalakasin ni Chavit ang kanilang lapian sa 2022 elections. Bukod sa political kingpin si Chavit, siya rin ang presidente ng League of Municipalities of the Philippines (LMP).

Pero may pasubali si Sotto nang sabihin nitong “Singson may either seek reelection as Narvacan mayor or run for governor in 2022”.

Ano rin ang kahulugan ng political maneuver ni Chavit sa partido niyang Bileg na nakipag-alyansa sa Hugpong ng Pagbabago (HnP) ni Davao City Mayor Sara Duterte noong 2016 elections?

Anu’t ano man, kahit anong posisyon pa ang takbuhan ni Chavit, tiyak na mananalo siya dahil sa angking galing at karisma. Sumatotal, hindi pa isinisilang ang gagapi sa kanya.

* * *

Para sa suhestiyon: [email protected]