Niay gipasaka nga usa ka Resolution sa House of Representatives nga maghatag og discount sa mga pamaliton online sa mga senior citizens.
Actually, nakasuwaay na mi niini, apan ang among pag-order sa pagkaon pinaagi sa landline nga telepono. Pangayoan lang mi sa akong OSCA ID number, ug ang i-deliver discounted na.
Just in case wa mo makabasa, ania kining gikan sa Philippine Star: “House Resolution No. 1880 seeks to clarify the Expanded Senior Citizens Act and the Magna Carta for Persons with Disabilities and expand the coverage of the discount privileges granted under both laws.
Ang resolution gi-file ni Rep. Alfred Vargas, fifth district representative sa Quezon City, chair sa committee on social services. Kini, matud niya gumikan sa sa kakulang sa klarong mga guidelines gikan sa hingtungdang ahensiya sa kagamhanan bahin niining panghatag og mga discounts sa mga senior ug sa mga PWDs.
NIya pa: “With the lack of clear guidelines from implementing agencies regarding the special discounts on online transactions, millions of Filipino senior citizens and persons with disabilities are unable to avail of the privileges that they rightfully deserve under the law.”
Tungod lagi sa mga health restrictions nga nagpabiling bilanggo sulod sa mga panimalay ang mga senior citizens ug PWDS, daghan kanila ang mo-resort to online shopping, apan tungod kay walay klaro nga mga guidelines dili sila makapahimulos sa diskwento nga gihatag unta sa balaud.
Understandably, paghimo o sa RA 9994 kon ang Expanded Semiot Citizens Act of 2010,wala pay online shopping, kay wala pa may pandemic.
Maayo nga natagad kini karon ni Rep. Vargas. Otherwise, dili gayud unta kita maka-avail niining maong pribiliyo hangtud nga ania pa uban kanato ang coronavirus. Moduha na ka tuig nga gikihaw kini kanato nga mga pribilihiyo.
Lagmit ang House of Representatives mohimog minor amendment sa RA 9994 nga maglakip na sa 20% nga discount sa mga online shopping sa mga seniors ug PWDs. Mahimo kaha ni? Kon mahimo man, dugay pa ni mahitabo.
Di ba kaha mahimo nga ang DSWD ug ubang implementing agencies mopasar lang og resolution nga maglakip na sa discount ang mga online purchases sa mga senior ug PWDs? Kay kon ipaagi pa sa House of Representatives paghimo’g amendment sa RA 9994, madugay pa ni.
Under the present situation, gumikan sa emerhensiya, dili ba kaha ni mahimo ni Presidente Digong Duterte? Daku kaayo ning ikatabang nganhi kanatong mga senior citizens ug sa PWDS. Pasalamat kita ni Rep. Vargas, nga sa kapin 200 ka tinugyanan diha sa Kongreso, siya ray nakahunahuna niini. As usual ang atong mga representante dinhi sa lalawigan ug mga dakyanan sa Sugbo, wala gayud makahunahuna niini. Unsa kahay ilang gihunahuna no?
Sa laing bahin, niay maayong balita alang kanatong tanan: “US buys half billion Pfizer COVID-19 vaccine doses for poorest countries.”
Nindot no? At least ang mga adunahan nga nasud, nagpakabana ug na-concerned usab sa kahimtang sa kabus nga mga nasud.
Giingon dinhi, atong kutloon: “President Joe Biden will on Thursday announce a ‘historic’ US donation of half a billion COVID-19 vaccine doses for 92 poorer countries.”