Gikan sa elaborate ngadto sa simple

Sa wala pa ang COVID-19 pandemic nahimong sayon alang kanato ang mamugnaon sa tanan natong pagahimoon.

Daghang mga tawo ang ma-involved sa laktod bongga gyud kaayo!

Anaa ang processions ug uban pang mga kalihokan nga makapasig dako uyamot sa kalag ug pagbati sa matag matuohon.

Apan sa dihang niabot ang COVID-19 nahimong simple ug limitado ang atong panglihok lihok. Apan nagpasabot ba kin inga dili na kita makasaulog?

Makasaulog gihapon kita bisan pa man kun limitado ang atong panglihoklihok kay dili naman kinahanglanon pa nga elaborate ra gyud kaayo ang tanan labina nga ning panahon nato karon ang virus padayong naghulga kanato sa hilabihan. Ang pagka mabinantayon ug seguridad sa matag usa maoy top priority ni bisan kinsang pangulo o lider sa bisan unsang kahugpongan o pundok.

Diha sa yano nga kasaulogan mamahimong mas intimate ang tanan.

Ang movements, ang mga pulong nga gigamit ang mga hulagway ug larawan dako naman kaayo og kahimoan aron mamahimong mas masabtan sa tanang mga nanimbahay ang tinud-anay nga kahulogan sa misteryo nga gisaulog.

Dili maayo nga tas-on ra pud kaayo sanglit ang paghimo sa ingon usahay nakapalibog sa mga tawo.

Mao ni nakalimtan sa mga tawo usahay labina kanila nga mga presider sa bisan unsang kasaulogan kini tungod kay imbis ang Ginoo maoy gisangyaw ug gimantala ang ila man nuong kaugalingon ang ilang gisangyaw sa pamasin nga makuha ang atensiyon sa mga tawo alang kanila.

Hinuon mao kini ang kasagaran nga bation sa mga tawo nga nagkinahanglan og igong pagtagad.

Mao nga ang pag-ampo nahimo naman nuong usa ka dakong circus.

Ug kun dili man gani circus nahimo man nuon kining dapit diin anaa ang pag-lecture ug pagpasiatab sa bisan unsang nakab-ot nga dungog ug edukasyon.

Usahay daghan ug taas na kaayo ang atong naabot apan nahikalimot kita sa basic sa kinabuhi. Dili ba tinuod?