‘Powerful voter’ ka ba?

Literally, gamhanan ka ba nga botante? O huyang ka nga botante tungod kay wala kay kaugalingon nga paminsar, walay igong kaisog pagpili pinasikad sa kaligdong ug qualification sa mga kandidato.

In most instances, ang atong pagbotar, dili iagad sa mga isyo, kondili atong ibasi sa popularity ug sa kadaghang kwarta sa mga kandidato.

Nindot kaayo ang column ni Marichu A. Villanueva sa Philippine giulohan “What makes a powerful voter.” Maayo nga ato kining mapalandungan.

Gikutlo ni Marichu si Comelec commissioner Antonio “Richie” Kho Jr.nga nagkanayon: “An informed voter is a powerful voter.” Makahunahuna kita sa kang Reuben Canoy nga Perspective nga nagpahimangno: “Ang lungsod nga nasayud may makahatag kusog sa demokrasya, apan ang lungsod nga mapasagaron maoy makapukan sa kagawasan.”

Sa ato pa, kon dili ikaw magpakisayod sa mga election issues, ug pinasagad lang ang imong pagbotar, ka dakong dimalas sa demokrasya ug s atong nasud in general.

Matud ni Marichu: “So by the time we hold our national and local elections, the 58 million Filipino voters could hope to really feel powerful to decide who will be our country’s next leaders to get us out of COVID-19 pandemic woes.”

Nagpasabot ngaikaw, gumikan sa imong pagkagamhanan, ikaw ang magbuot kon unsay dangatan sa atong nasud. Imagine ... ikaw ang magbuot dili ang atong mga leader, dili ang mga politico.

Ikaw gyud!

Sa ato nang nahisgutan dinhi, mausab ang mga paagi sa pangampanya gumian lagi sa pandemic.

Wala na ang traditional nga handshaking, hugging, ug paghagwa ug pagkugos sa mga bata. Ug lagmit dili na maka-selfie. Unsaon na lang?

Matud ni Kho: “We will allow campaign, but we will encourage them to use the internet. We will probably limit who will attend the miting de advance.” Unya, kinahanglan nga ang mga kandidato sa ilang pangampanya, makig-coordinate ug ang Comelec mismo uban Inter-Agency Task Force for the Management of Emerging Infectious Disease (IATF—MEID)

By the way, kining kasayoran gikan ni Marichu: “President Duterte appointed Kho at the Comelec in July 2018. Prior to his Comelec post, Kho first served the Duterte administration as undersecretary at the Department of Justice. He is a Lex Talionis fraternity brother of President Duterte at the San Beda College of Law.”

Maayo nang makaila kita sa atong Comelec commissioner. Gawas kang Khu, ang laing mga Duterte appointees mao sila si commissioners Marlon Cascuejo; Socorro Inting; Aimee Ferolino-Ampoloquio; ug Michael Peloton.

So, gumikan sa pandemic, ang social media maoy ma-center stage karong eleksiyona. Dili kaayo ni gastuso. Sigun lang ni sa pagkugi. Matud pa, “Kho believes there will be increased use of social media and online platforms for campaign advertisements of the candidates.

Social media’s presence will be a major thing for the campaign. It’s a great equalizer for people who have less funding,

Our politicos really are very creative.”

Creative mo lang. Subra ka creative. Mo-hire dayon ni sila’g mga top PR agencies ug mga advertising geniuses.

Pagkakaron si Kho nakig-negotiate uban sa usa ka pharmaceutical company nga maka-supply og vaccine alang sa kapin 6,000 ka personnel nga mo-supervise sa conduct sa eleksiyon.