Pahimangno pa ni Arsobispo Fulton Sheen
Only those who live by faith really know what is happening in the world (Fulton Sheen).
Kun maghisgot pa kita og televangelist nga kasagaran atong gi-attribute sa mga protestante ug uban pang mga demoninations, si Fulton Sheen sa atong pagtuong Katoliko mao gyud ang pioneering.
Bisan pa man kun black and white pa ang telebisyon kaniadto apan padayon gihapon sa pagsibaw ang maong mensahe.
Mensahe kini sa dakong kaluwasan unta alang sa kadaghanan nga naminaw niini.
Apan ang buhing matuod mao nga ang tanang mga pahimangno sa mga balaan sa karaang panahon, pagaisipon naman lang nga usa ka dakong conspiracy theory.
Ang Anti-Cristo nahulog nga anaa sa hunahuna ug imahinasyon sa mga ultra conservatives matud pa nila ug walay labot niini ang mga liberals.
Niabot na gyud ang panahon nga mismo ang sulod sa simbahan anaa ang dakong pagkabahinbahin.
Wala man kini magpasabot nga kinahanglan nga kalimtan ug pasagdan ang kagahapon.
Apan ang liturhiya nga gibansay sulod sa hataas nga mga siglo ug mga katuigan ang mahimong tumpagon lamang sa mas yano nga paagi.
Daghan ang wala makapadayon sa pag enjoy supposedly sa tradisyon. Ug nagpabilin kin inga halayo sa kasamtangang panlantaw.
Nahanaw ang sense of mystery sa bisan unsang rituwal ug gani pagadid-an man ang si bisan nga magpundok ug magkatapok gumikan lagi niining maong pandemiya.
Ang pandemiya nga padayong nihugpa kanato sa hilabihan ug niapekto bisan gani sa atong kinabuhing espirituhanon.
Paingon na ba kita sa end of days gumikan ning mga panghitabo karon sa atong palibot? Unsaon naman lang kun ang Ginoo nga atong gisimba nahimo na lamang pakapin ug dayandayan sa panlantaw sa matag tawo nga nisud-ong sa relihiyon nga kinahanglangnang mag-agad sa paagi nga siya gisud-ong sa tawo. Unsaon naman lamang kun mamahimong relative ang tanan?
- Latest