Pahimangno: Ayaw gamita ang bakuna sa pamolitika

Pahimangno kini sa mga senador niadtong mokandidato sa 2022 elections, sa dili paggamit sa mga vaccines pagpa-uswag sa ilang candidacy.

Ania kining headline item sa Philippine Star: “Don’t use vaccines to boost 2022 candidacy. As the country expects more COVID-19 vaccines in the coming months, senators warned against using the jabs to promote the candidacies of those seeking posts in the 2022 elections.”

Tinuod, kini ra bang politika sa atong nasud, ang mga kandidato mo-resort sa bisan unsa nga paagi aron sa pagdaug.

Ug gikahadlokan sa mga senador nga kining pagpamakuna gamiton unya sa mga kandidato pagdani og dugang boto.

Si Senador Sonny Angara ug midayag sa kabalaka nga ang mga botante, “would easily see through the ruse if a political candidate would try to use the vaccines to promote his or her candidacy. Much of the vaccine doses will arrive in the second half of the year, and the people will not like it if the vaccines are politicized.”

Samtang laing senador ang namahayag nga dili siya matingala nga pipila sa mga kandidato makakaplag og bintaha pinaagi sa pag-promote sa pagpabakuna.

Locally, karon nga giisip na nga mga front liners ang mga local executives ug gitugotan na nga magpabakuna, pipila kanila dili magpabakuna kon walay media coverage, kon walay camera ug walay reporter.

Anyway, ato lang panghinauton nga karong eleksiyona, nala-leksiyon na kita sa atong mga paagi pagbotar, mosuway kita to hold clean and honest election, lakip na ang malinis sa matang sa pangampanya.

* * *

Niay nindot nga projection ug panghunahuna ni Deputy Speaker  Rufus Rodriguez sa Cagayan de Oro City, nga kon mag-economic Cha-cha man, kinahanglan nga sa post-COVID-19 era (sa ato pa, mawala na ang COVID-19 ug mabalik na kita sa normal), maoy atong lantawon ang panginahanglan sa mga foreign investments o mga langyawg capital.

Matud niya, atong kutluon nga napatik sa Philippine Star: “When we go back to normalcy, we would want the business sector to be really up and about and be able to receive foreign investments.”

Tinuod, gikinahanglan kaayo sa atong nasud, kon buot kita nga molambo ang atong ekonomiya, ang langyawng capital. After all, wala kitay angay kahadlokan nga mapiangan ang local natong mga patigayon, tungod kay duna may mga restrictions nga ipahamtang ngadto sa mga langyawng patigayon.

Matud ni Rodriguez: “Resolution of Both Houses No. 2, authored by Speaker Lord Allan Velasco and subject to ongoing plenary debates, seeks to give Congress the flexibility to amend the restrictive economic provisions of the 1987 Constitution.

“Unless otherwise provided by law to specific provisions of the Constitution, which restricts foreign ownership and participation on certain investment areas and activities in the country.”

So, protected ang local nga patigayon, kay lagi dili man makapatuyang ang foreign investments kutob sa ilang gusto.

Si Albay Rep. Joey Salceda, chairman sa House ways and means committee, misubli sa panawagan alang sa economic Charter change, ug mjpasalig nga walay political provisions nga ilang i-propose panahon sa revision.

Sa ato pa, purely economic provisions. Walay politika, sumala sa gikahadlokan sa uban.