Rabiya naunay sa iyang gilabay

Dili malilong. Makita sa katilingban ang maayong agi sa pagpamunoan ug nagpungasing BUILD-BUILD-BUILD program ni Tatay Digong, diin, daghan na ang nahuman, humanonon ug may mga bag-o na pong gipangsugdan.

Dunay nangahadlok.  Nga kon lain nay ma-presidente sunod tuig, basig mahunong tanan. Busa, gusto sila nga mapadayon ug ipadayon kini ni Davao City Mayor Inday Sarah, iyang anak.

Makakugang! Gipahibalo ni Tatay Digong nga bug-at kaayo ang trabaho sa usa ka presidente. Dili pangbabaye. Sanglit, ang emosiyon nga naa sa mga babaye dili pareha sa mga lalaki. Maluoy siya ni Inday.

Busa, dili niya padaganon.

Apan sa usa ka virtual interview, pipila na ka bulan ang milabay, sa wala pa ipahigayon ang 2020 Miss Universe competition, gikontra sa atong Philippine Miss Universe Rabiya Mateo ang pamahayag sa atong pangulo.

Matud pa ni Rabiya, nga girespeto niya ang gisulti sa presidente, pero dako kaayo siyang supak niini.

Gani, sa ato kunong nasod nakaagi na tag duha ka babayeng presidente. Nga nagpasabot, may kapasidad ang babaye sama sa lalaki nga mamunoan sa nasod.

Unya mipuno siya: “I am a woman and believe that my emotions do make part in my leadership skills.

And I have so much heart, so much calling in being a leader actually. We are in the era that people should treat men and women equally.

And I won’t agree with something like this because I know my capabilities and my strength as a woman and I know I can make a difference, so much difference. We need female leaders, leaders who will put their emotions in making decisions.

Because it’s not all about experience. Sometimes, you really need to put your emotion and to be the mother of your land.”

Ug daghan pang giyawit si Rabiya nga daw inderiktang nanglabayg lapok ngadto ni Duterte. Belib ko. Isog! Ilongga gyong manulti.

Pero pag-abot sa National Costume Competition, diin gisukna siya sa himantayong netizens hain ang adlaw’ng yellow sa Philippine National Flag-designed-costume nga iyang gisul-ob? Pastilan, si Rabiya morag batang gamay nga giaway.

Puwerting hilak, hingoshingos-dangoyngoy.

Daw gisakitang tirador nga naunay’g kaigo sa mga bug-at pulong nga iyang gilabay ngadto ni Presidente Duterte.