Ikaupat nga pulong

Diyos ko! Diyos ko!

Nganong Gibiyaan mo Ako?

(cf. Mateo 27;46)

Dunay usa ka frontliner nga nipaambit sa iyang panahom. Kini dunay dakong kalambigitan sa iyang gihambing mga kabalaka labina karong mga panahona sa pandemiya. Buot na niyang mo-give up, buot na niyang mahanaw sa hingpit. Kini kay alang niya daw sa dugay kaayo ang kadaugan batok sa coronavirus. Mao nga lisod alang kaniya ang tanan. Apan wala siyay mahmo sanglit siya ra man ang bread winner sa ilang pamilya mao nga lisud gyud kaayo kun siya mounding. Igo lang konnanghupaw og lawom samtang siya padayon sa iyang pagbakho.

Atong mapupo kining mga mosunod:

1. Reyalidad sa kinabuhi ang kalisod. Bisan kinsa nato karon nagkalisud.

2. Dunay mga suliran nga bisan unsaon nato paglikay sa kasamtangan malisud gayud kaayo ang paglikay niini. Ang bugtong paagi mao ra gyud ang pagdawat nga usahay sa kinabuhi anaa ang kalisdanan. Dunay mga butang nga wala kitay mahimo mao nga angayan lamang nga ato silang dawaton.

3. Anaa ang krus. Mahimong sabton nato kini ingon nga responsibilidad. Sa imong pagka frontliner. Ang gibug-aton sa imong gipas-an halad ngadto sa Dios nga maoy gisimbolo sa vertical line sa krus ug bisan pa man sa imong gipas-an apan padayon lang gihapon sa paghalad sa imong kaugalingon aron matabangan ang uban.

4. Apan wala kini magpasabot nga imong pasagdan ang imong kaugalingon. Atimana kini sanglit malisud alang kanimo ang pag-atiman sa uban kun ikaw mismo ang wala makaatiman sa imong kaugalingon.

Balik sa frontliner, naminaw siya ug taudtaod nibanos ang kahilom. Ako siyang giaghat og pagpaniudto ug human siya makakaon nipauli siya nga malipayon. Akong nakita ang akong kaugalingon usab nga dunay gihambing kakapoy gumikan sa panlimbasog matag adlaw. Apan sa kaulahian dunay nindot nga kahupayan nga akong nahiagoman ug kini ang tinguha nga mapuno diha sa paghigugma sa Dios ug ang pagkamanggihatagon mao man ang bugtong paagi sa pagpasalamat sa Dios nga maoy tinubdan sa tanan. Bisan tuod kun kapoy na, angayan akong mopadayon aron makapadayon gihapon ang lihok taliwala sa dakong kalisdanan nga nahiagoman nato karon. Ang pangedaron ni ang gipamati sa lawas dili gyud mamahimong babag sa akong tinguha nga moalagad.

Kasagaran makapangutana kita kun tinuod ba gyud nga dunay Dios. Kay kun dunay Dios, nan, sulbad na gyud unta ang atong suliran kalabot sa coronavirus. Ang coronavirus padayong nakaapekto nato bisan pa man kun naghinubra na ba kaha ang atong pag-ampo? Sa panahon nga kita maglisod pag-ayo nganong wala man mopakita ang Dios sa iyang gahum? Mga pangutana nga lisud tubagon. Mga pangutana nga dili mahimong sublion pa kun aduna kay pagtuo nga ang Dios nga imong gisimba mounong gyud kanimo.

Ang 500 years of Christianity nipahigmata kanatong tanan nga diha sa panaw sa pagtuo anaa gyud ang kalisdanan, pagkapukan ug pagkahisukamod. Apan taliwala ning maong paghisukamod anaa ang Dios sa kanunay mosapupo kanato.

Pag-ampo

Ginoo sa makadaghan kami nalibog ug nahisalaag. Sa makadaghan kami nagbagulbol gumikan sa mga kalisdanan ug kasakitan nga among nasinati. Apan bisan pa niana padayon kang nisabot sa among kahuyang. Sa makadaghan kami mibiya sa imong amahanong gakus apan padayon kang nipakita sa imong dakong gugma ngari kanamo. Busa, among bag-ohon ang among pagtuo ug unta imo pa gyud kining lig-onon. Amen