Be amazed

Kini mao ang hagit ni Fr. Reggie Malicdem sa dihang gihimo namo ang virtual recollection diin siya mismo ang facilitator. Live kini nga nanukad sa Manila Cathedral.

Sama ni San Juan Pablo Segundo nga everytime moduaw siya sa iyang hometown parish moadto gyud siya sa baptistery diin siya gibunyagan ug moluhod siya niini agi’g pagpasalamat sa Dios tungod sa gasa sa bunyag nga iyang nadawat.

Kay alang niya, kini man ang sinugdanan sa tanan.

Alang nya mahinungdanon kaayo nga anaa sa gihapon ang sense of wonder.

Alang niya mahinungdanon kaayo nga bisan gani sa pagkapari dili maayo nga isipon nato kining routinary lamang kondili matag adaw anaa ang sense of excitement tungod sa talagsaong gasa.

Ning paagiha, mas maningkamot ang taglawas nga iyang ampingan ang bisan unsa nga iyang nadawat gikan  sa kahitas-an.

Sa atong panaw ning kinabuhia, padayon kitang gikaon sa mga mentalidad nga mao kini ang naandan natong buhaton.

Ang sense of wonder maoy magdala kanato sa dugang kaikag nga maningkamot kita sa paghimo og maayo. Nganong mohimo man kita og maayo?

1. Una, tungod kay mao kini ang tawag natong tanan, ang mamahimong maayo.

2. Ikaduha, mohimo kita og maayo tungod kay gihigugma nato ang Dios ug kini maoy makapalipay niya.

3. Ikatulo, ang paghimo og maayo mao man ang atong bugtong pagpakita sa atong kagawasan.

4. Ikaupat, ang paghimo og maayo nagpadayag lamang nga ang kalibotan bisan ordinaryo ug usahay lain na kaayo dili man angayan nga sud-ongon ingon nga laksot.

Be amazed kay ang sense of wonder matag karon ug unya maoy magdala og kaikag alang natong tanan nga manlimbasog all for the glory of God.