Sa dapit diin ikaw ipahimugso pag-usab

Mao kini ang gisulti kanako kaniadto ni Padre Cristito Mendez, ang tagdumala kaniadto sa AIR PROGRAM as Artsdiyosesis. Usa kini ka ahensiya diin nitabang sa mga kaparian nga anaa sa krisis. Daghan na siya og natabangan.

Niadto ako didto gumikan sa tinguha nga ako makapamalandong sa wala pa ako pormal nga mosulod sa fourth year theology. Agi’g pagpangandam pud kadto sa diaconal ministry. Nahimutang kini sa Tumalog ang dapit nga nahimong mahinungdanong kabahin sa akong panaw sa nagtungha pa ako.

Tulokibon kaayo ang mga pulong nga gibuhian a place of your rebirth. Sa akong yanong pagsabot nagpasabot kini og pagkabag-o sa kinabuhi agig sukaranan sa laing matang sa pagkinabuhi. Kining maong tinguha nahimong nahatagan og katumanan sa dihang una nakong assignment mao man ang Isla sa Carnaza.

Didto nation ko ang reyalidad sa kinabuhi. Reyalidad nga ang honeymoon period sa pagkapari mahimong matapos lamang sa daklit labina kun makita mo ang buhing kamatuoran nga pwede kang unayon mismo sa imong igsuon.

Mao nga kini makapatay gayud sa imong pangandoy ug makatay-og usab sa imong baruganan.

Apan bisan pa niini, nahimong daw lab-as sa panumdoman ang maong hangyo. Ang hangyo nga unta inig abot sa tukmang panahon mamahimong matinuod diha sa paagi nga ako molantaw sa akong palibot.

Sa akong pagbati ug ingon man sa paagi nga gisud-ong ko ang kalibotan sa kinatibuk-an. Nakita ko ang akong pagsalop ug tapos sa hataas nga kinabuhi nakita ko nga oy, wala bili ang pasiatab ug pagarpar. Kay sa kaulahian, kita man diay hikalimtan ug ipanghimaraot lamang.