Salig sa bakuna

Maayo na lang nga sa pagkakaron, daghan na ang buot magpabakuna, ug gamay na lang tingali ang nahadlok pang bakunahan. Nagpasabt nga misalig na kita sa mga bakuna nga niabot na dinhi sa ato.

Actually, akong sabot niini (hinaut husto ko), ang tuyo sa mga vaccines mao nga dili kita matakdan sa virus; nga kon matakdan man, at least dili kita ma-grabehan. Dili severe ang infactions.

Despite sa bakuna, ang coronavirus is still very much with us. Maoy hinungdan nga gi-require gihapon ang pag-observe sa mga health standards.

Kay kon ikaw nabakunahan na, wala kini magpasabot nga si corona mahadlok nang moduol kanimo.

Maoy hinungdan nga kadtong atong nadunggan nga usa ka returnee nga nabakunahan na kuno didto gawas sa nasud, apan, na-positive pag-abot niya dinhi sa ato.

Lagmit nagsalig na siya nga nabakunahan na, wala na siya magtuman sa mga health restrictions, hinungdan nga na-positive siya. Gumikan niini, nahadlok na ang uban pagpabakuna.

Maayo man gani karon, nga sa kadaghan na sa nabakunahan, daghan na usab ang magpabakuna. Giingon nga adunay mga side effects, apan, matud pa sa mga health experts, normal kini ug dili severe.

Sa atong nasayran, si Secretary Carlito Galvez, Jr, chief implementer sa National Task Force, ug vaccine czar, kauban sa pipila ka opisyal sa gobyerno, milupad ngadto sa India, nga matud ni Marichu Villanueva sa Philippine Star, “to conduct an ocular inspection of a vaccine manufacturing facility owned and operated by Serum Institute of India (SII).”

Kauban ni Galvez mga tinugyanan sa (at least) lima ka ahensiya sa kagamhanan, ang Department of Health (DOH); Food and Drug Administration (FDA); Department of Finance (DOF); ang mga Vaccine Experts Panel gikan sa Department of Science and Technology (DOST); ug pipila gikan sa NTF.

Tulo sila ka adlaw didto, ug lagmit inig gula niining lindog, nabalik na sila nganhi sa atong nasud.

Moduaw o miduaw sila sa dakbayan sa Puna, India ang nahimutangan SII Novavax vaccine, ang manufacturing plan nga nag-produce sa Covavax.

Matud ni Galvez, iyang gipaabot nga ma-finalize ang pagpirma sa kasabotan alang sa Pilipinas sa 30 milyones ka doses sa SII Covavax nga i-deliver sulod karong tuiga. Atong gihinaut nga nagmalampuson si Galvez niini.

Niay nindot. Matud ni Marichu, “If this agreement is sealed, Novavax will become the third American anti-COVID vaccine supplier here. It will be available along side with Pfizer and Moderna also slated for delivery this year.” Mosamot na gyud ta’g salig niini. Perhaps niining panahona katugotan na ang mga senior citizen pagpabakuna.

Ang SII giila nga labing daku nga vaccine producer sa tibuok kalibutan. Samtang ang Novavax, usa ka biotech  American company nga nagbasi sa Maryland, USA nga adunay joint project uban sa SII pag-manufacture sa Covavax.

Kini tungod kay matud pa, not one manufacturing facility can supply vaccines.

Dugang ni Galvez: “We might also have other supply agreements for the AstraZeneca and Covishield that the government will buy from the Serum Institute of India.”

Nindot ni nga development, nakadugang sa atong pagsalig sa mga vaccines. Ayaw na pagduha-duha, mabakuna na.