Dili makiangayon ang pagpangbakuna

Mao kini ang gibutyag sa United Nations (UN) nga matud pa:  “Global vaccinations uneven, unfair. ”Dili  makiangayon, adunay nabintahaan niining pagpangbakuna nga gihimo sa tibuok kalibotan. Observation sa UN: “Only 10 countries cornering 75 percent of all COVID-19 vaccines and more than 130 not receiving a single dose.” Lakip na ang atong nasud niining giingon sa UN nga kapin sa 130 ka nasud ang wala pa makatilaw sa bakuna.

Matud  ni UN Secretary-General António Guterres, kinahanglan ang tanan sa nagkalainlaing nasud sa tibuok kalibotan ang kabakunahan. Dili kay pilion lang kinsay palabihon, ug pagduda sa uban, unahon ang mga adunahan nga nasud.

Kita, usa sa mga developing countries, padaplin lang una. Ug mao kini ang gibutyag sa UN nga unfair ug uneven.

Dugang ni Guterres:“Defeating COVID-19, now that we have begun to have the scientific capacity to do so, is more important than ever. Yet progress on vaccinations has been wildly uneven and unfair.”

Sugyot ni Guterres nga kinahanglan nga adunay Global Vaccination Plan “to bring together all those with the required power, expertise and production capacities.”

Ang UN ug kaabag nga mga nasud, mitukod sa COVAX Facility aron pagseguro nga ang tanang nasud adunay access sa vaccine, regardless of their wealth.

Bitaw, kinahanglan patas ang tanan, ma-datu o ma-pobre man nga nasud.

Dugang sugyot ni Guterres nga ang mga adunahan nga nasud, motukod og Emergency Task Force, nga maoy mag-umol og mga plano ug mo-coordinate sa pag-implementar niini. Ang UN Children’s Fund (UNICEF) mi-asister sa mga nasud pag-preparar alang sa pagpang-apud-apod na unya sa vaccine, sa tuyo nga maka-procure og duha ka bilyon ka doses sa dili pa mataous karong tuiga.

Ang executive director sa UNICEF, si Henrietta Fore, mihangyo sa pagbulig sa tanan aron magmalampuson kita pagpakigbugno sa virus.

Niya pa: “This historic effort deserves historic support. “Help us ensure that the light at the end of the tunnel shines on us all — including the families and communities enduring the horrors of conflict.”

* * *

Mao ra man og duna nay nagsugod pagpangampanya, kayu-layo pa man unta ang eleksyon.

It seems nga duna na silay gitumbok nga padaganon pagka -presidente.

Anyway, ila sad ning katungod. Wala man tingali kini idili sa atong mga balaud. Apan niining panahon sa pandemic, aduna pay mas bug-at nga concern – kini lang una ang atong hatagan sa unang mga pagtagad.

At any rate, despite sa pandemic, ipadayon gyud kuno ang eleksiyon, kay kon nahimo kini nila sa America, ug ubang kanasuran, nganong dili man kita maka-hold sa eleksiyon dinhi?

I believe naglaraw na karon ang Comelec unsaon pagpahigayon ang eleksiyon taliwala niining atong kahimtang karon.

Usa sa gilaraw mao ang pagdili sa face-to-face campaign. Mipadayag sa  pagsupak niini ang usa ka opisyal sa Catholic Bishops’ Conference of the Philippines (CBCP), si Fr. Jerome Secillano. Niya pa: “If the face-to-face campaign would be prohibited in next year’s general elections, it just might end up as a popularity contest.”

Apan, kon tugotan ang face-to-face campaign, lisud ang pag-observe sa physical distancing ug ubang mga health protocols. Ikaw, unsay say mo?