Mga irrelevant

Laraw sa Department of Interior and Local Government (DILG) ang pagwagtang sa travel authority ug medical certificate isip kabahin sa protocol sa gobiyerno sa pagpakigbatok sa COVID-19. Tumong sa DILG sa pagwagtang sa travel authority ug medical certificate mao ang paghiusa sa mga health protocol sa tanang mga local government units lukop nasud tungod kay nahimo na kining irrelevant.

Si Undersecretary Epimaco Densing III sa DILG nagkanayon nga ang mga polis wala nay laing nahimo sa ilang trabaho tungod kay ina kay magbantay sa kahapsay ug kalinaw sa ilang hurisdiksiyon mao nalang hinuon ang pagsige og isyu og travel authority.

Ang Medical Certificate nahimo napod nga irrelevant tungod kay i-isyu kini tulo ka adlaw sa dili pa mobiyahi ang nagkuha niini. Dili man god ta makaseguro nga sulod sa tulo ka adlaw human ma-isyu ang Medical Certificate dili matakboyan og virus ang nagkuha na niini.

Laraw usab sa DILG ang pagwagtang sa requirement nga swab test alang niadtong mga gustong mobiyahi apan una na nga giwagtang sa lalawigan sa Sugbo ang swab test nga requirement.

* * *

Gihatagan na sa Food and Drug Administration og Emergency Use Authorization ang Sinovac. Nagpasabot kini nga puwede na nga makabaligya na sila sa ilang bakuna dinhi sa Pilipinas. Apan sama sa gidalidali sa FDA ang paghatag ilang paghatag og EUA sa Sinovac.

Si FDA Director General Eric Domingo miingon nga midagan og 21 ka dlaw ang ilang pagtuon sa aplikasyon sa Pfizer sa pagkuha niini og EUA apan wala makaabot og usa ka semana ang ilang pagtuon sa aplikasyon sa Sinovac. Tungod kaha ni sa inpluwensiya ni Presidente Duterte?