PnB ginagasgas ang PCSO
MALAKING usapin ang pamamayagpag ng mga palaro ng Peryahan ng Bayan (PnB) sa mga lalawigan. Ngayong nagsisimula na naman ang mga buwan ng mga pistahan, siguradong lalaganap ang mga ilegal na operasyon ng PnB at lalabag ito sa health protocol ng Inter-Agency Task Force. Malaking isyu rin kung saan napupunta ang nahahakot nitong pera sa mga mananaya. Maging ang Philippine Charity Sweepstakes Office (PCSO) ay nakakaladkad sa operasyon nito. Subalit sinagot ng PCSO General Manager ang mga katanungan sa presscon kamakailan.
Natatandaan ko, naging probationary gaming product ng PCSO ang PnB noong 2019 subalit hindi naging regular ito dahil sa pandemya. Kaya nang magbukasan ang ibang gaming products ng PCSO hindi napabilang sa kautusan ni PCSO General Manager Royina Garma na magbukas ang PnB. Ayon kay Garma, ang PnB ay naging gaming product ng PCSO noong 50’s pa subalit probationary lang hanggang na-terminate ito.
Subalit nang maupo siyang general manager ng PCSO, hindi nakakilos kaagad si Garma laban sa PnB dahil may ipinakita itong status quo ante order galing sa Court of Appeals (CA). Inutusan ng CA ang PSCO na magkaroon ng arbitration at i-discuss ang mga idle issues na iniungkat tungkol sa termination ng palaro ng PnB. Ang PnB ay kabilang pa sa gaming products ng PCSO noong 2019 kung saan sila ang pinakakulelat sa remittance sa ahensiya ng gobyerno. Subalit puwedeng patawarin muna ang PnB dahil nakasama sila sa listahan ng gaming products mga Ber months pa lang. Malinaw na may alingasngas pa ang pag-operate ng PnB at ang ginagasgas ay ang magandang layunin ng PCSO sa mga tumatangkilik ng mga palaro nito.
Sabi ni Garma, “Sa second order, we were not able to comply, so, the (PCSO) board decided not to send representative and aside from that, the president has to also include order for the resumption, so that, we cannot issue, because the court does not write to recommend for the peryahan games not be lifting its suspension. So, for now, we did not issue an order that they can resume, but they are, I think, operating on the basis that they have the court order. So, ‘yun yung medyo challenge po sa Peryahan ng Bayan.”
Kaya ang tanong, kung hindi saklaw ng PCSO ang operation ng PnB, anong ahensiyang gobyerno ang nagre-regulate sa palaro nito? Ang Court of Appeals ba? Nagbabayad din kaya ang PnB ng buwis sa gobyerno?
- Latest
