Gustong ipatangtang ang apelyido sa amahan

Dear Atty. Divine,

Duna koy anak nga 5 years old na. Ang bata naggamit sa apelyido sa iyang amahan. Dili mi kasal ug ang amahan  atua na sa Japan ug wa gyud magsuporta sa bata.

Gusto unta nako nga ipatangtang ang apelyido sa papa aron ang ako nalang apelyido ang gamiton sa bata, pwede ba ni nako ipausab ang birth certificate sa akong anak? Daghang salamat.

Lovely

* * *

Dear Lovely,

Kun ang amahan mi acknowledge na sa bata ug mipirma na sa birth certificate ug ang bata naggamit na sa iyang apelyido maglisud kana sa pagtangtang sa apelyido sa amahan.

Basi sa balaod ang illegitimate child dunay katungod nga mogamit sa  apelyido sa iyang papa as long as siya gi- acknowledge sa amahan.

Kun gusto ka nga ilisan ang apelyido sa bata huwaton usa nimo nga mo edad og 18 anyos ang imong anak ug siya na ang mopausab niini sa korte kun siya mismo  di ganahan mogamit  sa apelyido sa iyang papa.

Ang maayo nimong buhaton karon mao ang pag reach out sa amahan aron iyang suportahan ang imong anak kay iya man kining obligasyon. Thanks and God bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon  ang inyong pangutana pinaagi  sa akong column matag Miyerkules, Sabado ug Domingo.