Diskriminasyon

Ang pagka presidente dili para sa mga babaye. Mao ni ang sulti ni Presidente Rodrigo Roa Duterte human dasiga sa taga Manila ang iyang anak nga si Davao City Mayor Sarah Duterte Carpio sa pagpapili pagka presidente sa nasud.

Dili gusto ang Presidente nga maagian sa iyang anak ang iyang naagian nga mga kalisdanan sa pagdala sa rinda sa nasudnong kagamhanan sa nasud.

Ang pahayag sa presidente nakasugat og mga pagsaway gikan sa iyang mga kritiko ug sa mga nagsulong sa katungod sa kababayenan.

Ang kanhi chairperson sa Commission on Human Rights nga si Etta Rosales miingon nga ang pagkapresidente trabaho busa kon atong sabton dili lamang kini para sa mga lalaki.

Ang pahayag ni Presidente Duterte insulto sa kababayenan ug sa katawhang Pilipinhon nga mipili ug mibotang og duha ka presidente nga babaye nga sila si Presidente Corazon C. Aquino ug Presidente Gloria Macapagal Arroyo.

Angayan nga hinumduman ni Presidente Duterte nga dili monopoliya ang pagka pangulo o liderato sa kalalakihan dinhi sa nasud tungod kay ang balaud sa nasud ug ang katawhan miila na usab sa katakos sa kababayen-an sa pagpangulo.

Gani, ubay-ubay na sa mga babaye ang napili ug natudlo sa tag-as nga position sa gobiyerno. Sa kasamtangan, ang ikaduha nga taas nga position sa nasud gihoptan ni Bsei Presidente Leni Robredo.

* * *

Ang mga batid sa medisina mipapili sa mga tawo nga nagduda na sa ka epektibo sa bakuna kun unsa ang ilang pilion: ang kaluwasan ba o ang pagka epektibo sa bakuna.

Ang duha dili maayong pili-an tungod kay konektado ra aAng bakuna epektibo kun makaluwas sa gibakunahan ug dili kini epektibo kun dili makaluwas sa gibakunahan.