Gustong mo-execute og last will and testament
Dear Atty. Divine:
Ang akong mama og papa are not in good terms. Duna silay property nga napalit during their marriage og naa say separate properties si mama nga iyang sinunod sa iyang mga ginikanan.
Si mama nagplano sa pag-execute og Last Will and Testament.
Ang akong pangutana kon mamahimo ba nga maghimo si mama og Last Will and Testament bisan kon way consent gikan sa akong papa? Daghang salamat.
Cristal
* * *
Dear Cristal:
Ang Civil Code of the Philippines sa Article 802 ug Article 803 nagkanayon nga ang minyo nga babaye mamahimong makahimo og Last Will and Testament nga dili na magkinahanglan og pagtugot o consent sa iyang bana ug mamahimo sab siya nga mo-dispose sa iyang exclusive property lakip na sa iyang share sa conjugal property pinaagi sa Last Will and Testament.
Buot ipasabot nga ang imong mama bukas nga makahimo og Last Will and Testament nga di na magkinahanglan og approval o consent sa imong papa samtang ang imong papa mamahimo sab nga maghimo og iyang Last Will and Testament nga di na magkinahanglan og approval o pagtugot sa imong mama. Thanks and God Bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected].
- Latest
