Kasinatian nako sa Basilica

Enero 17, 2021: Pangilin sa Balaang Bata (Senior Santo Nino)

Mga Pagbasa: Is. 9;1-6/Sal. 97/Ef. 1;3-6,15-18/Mk. 10;13-16

Salamat sa mga paring Agustino nga nihatag kanako og kahigayonan nga makasaulog sa Santos nga Misa didto sa usa sa mga nobenaryo sa dihang gihimong virtual kini the following day. Dream come true to nako sanglit nangandoy man gyud ko isip usa ka Sugbuanon makasaulog sa Santos nga Misa didto sa mas linawas nga paagi. Natuman gyud kadto.

Personal mente duna gyud koy dakong pagtamod sa Balaang Bata ug gani nahinumdom ko nga gamay pa ko, duna gyud koy altar nga linain alang sa Senyor ug ako kining pahinungdan og pipila ka mga pag-ampo sa dili pa ako matulog.

Mao nga kabahin gyud siya sa akong kinabuhi bisan gani hangtud karon. Apan lahi ra gyud rong mga panahona. Kini tungod sa coronavirus, nahimong limitado ang tanan hasta ang Sinulog Festival.

Gani, daghan ang miingon nga tinuod anaa ang atong pagtuo apan ang maong pagtuo kinahanglang dili nato himoong hinungdan kun nganong magpasagad na lamang kita ug daghan na hinuon ang maangin gumikan sa atong mga balansayong relihiyoso apil na niini ang mga processions, panagtapok alang sa mga ritual showdown ug uban pa. Gani, dunay nangutana nga kun gamhanan pa si Santo Nino nganong wala man siya makapugong nga mahitabo kini?

Gitugotan ba niya kini nga mahitabo aron ang tawo magbag-o? lisud man tuod tugkaron apan ang bugtong paagi mao nga atong hunahunaon nga usahay sa kinabuhi dunay mga panghitabo nga moabot ug beyond sa atong gahum.

Ang akong gituohan mao nga dunay maayo nga mogawas nunot ning mga hitaboa. Ang atong buhaton mao nga  motuo ug mosalig lamang kita sa positibong habig sa kinabuhi.

Ang akong kasinatian sa Basilica samtang gisud-ong ko ang katawhan nga andam ug tagana nga magpaabot ug mapailubong misunod sa mga protocols timailhan lamang nga ang mga Sugboanon dili gahi og mga ulo. Mangutana apan wala magpasabot nga mga suberbiyo. Mowarawara sa  mga kamot apan wala magpasabot og mga superstitious.

Sa akong bahin, natandog gyud ako. Tinuod dunay nag-ingon nga maayo lang ako sa ubang mga tawo ug dili sa mga tawong kabahin na sa akong kinabuhi. Apan sa akong kahimtang sa kinabuhi naningkamot akong mohimo segun sa akong kahimtang ug sa akong sentido. Dili gyud nimo malipay ang tanan.

Dunay mga maglagot ug mahiubos. Ingon ana gyud ang kinabuhi. Alang kanako sa matag higayon nga ako motaak sa hawanang sagrado sa Basilica.

Nakita ko ang pasalig sa atong Ginoo nga dili gyud kita niya pasagdan hangtud na sa katapusan. Mahimong biyaan kita sa tanan apan sa Dios dili kita pasagdan! Ug mao kana ang akong gigunitan. Viva Pit Senyor! Viva!