Management prerogative
Dear Atty. Divine,
Aduna koy lima ka empliyado nga gikatakda na nakong himoong regular after sa ilang six months nga probationary pediod. Ang akong pangutana, after sila mahimong regular employee, can they still be dismissed if they would fail to pass the standards of the company? Or ang mga probationary employees ra ang pwedeng taktakon kon di makatuman sa stadards sa kompaniya? Daghang salamat. —Leo
Dear Leo,
Bisan kon mamahimo nang regular ang imong empliyado kinahanglan gihapon silang motuman sa standards sa kompany og kon mapakyas sila sa pagtuman niini, mamahimo kining basihan sa pagtaktak kanila sa company. Mao kana ang gitawag og management prerogative. Busa importante kaayo nga ma inform nimo ang mga empliyado sa imong mga palisiya o lagda nga dapat nilang pagasundon kanunay sa ilang pagpanarbaho. Dunay security of tenure ang regular employee apan ang balaod nagtugot sa employer sa pagtaktak kaniya kon aduna kini mahimong bug at nga kalapasan. Thanks and God bless. —Atty. Divine
* * *
Alang sa inyong pangutana, palihug lang sa lang email sa [email protected] og akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest