Ang estado sa drugas Part II

Naobserbahan nga adunay pagtaas sa mga naggamit ug miabuso sa ginadilli nga drugas sa nasud gikan sa tuig 2010 hangtod na sa 2015. Base sa datus sa Philippine Drug Enforcement Agency (PDEA), adunay signipikant nga pagtaas sa insidente sa pag abuso sa ginadiling drugas base sa gidaghanon sa mga nadakpan tungod niini.

Sa tuig 2010 aduna lamay 174 ka mga abusado sa drugas ang nadakpan apan pagka tuig 2011 misaka kini sa 261, tuig 2012 adunay 223, tuig 2013 anaa sa 384, tuig 2014 anaa sa 393 ug 955 sa tuig 2015 ang mga nadakpan.

Ang datus usab sa Philippine National Police nagpakita sa pagsaka sa gidaghanon sa mga nadakpan tungod sa abuso sa drugas pinaagi sa paggamit ug sa pagpamaligya niini gikan sa tuig 2011 hangtod 2015. Sama pananglit sa 900 porsiyento nga pagsaka sa mga insidente nga may kalambigitan sa suliran sa gidili nga drugas sa nasud gikan sa 5,002 ka mga nadakpan sa tuig 2011 ngadto na sa 44,453 ka mga nadakpan sa tuig 2015.

Sa tuig 2016, ang United Nation Office of Drugs and Crimes (UNODC) mitaho nga 1.1 porsiyento sa mga Pinoy nga nag edad og 10 ngadto sa 69 migamit og Shabu ug ang kadaghanan sa mga Barangay sa Greater Metro Manila nga dapit ang apektado sa gidili nga drugas.

Kining maong datus indikasyon nga ang suliran sa gidili nga drugas nagkataas sa nanglabay nga katuigan. Dinhi makonsiderar nato nga ang suliran sa drugas nahimo nang epidemic hinungdan nga nag una kini sa mga prioridad sa administrasyong Duterte.

Sa milabay nga upat ka tuig sa administrasyong Duterte, ang kampanya batok sa gidili nga drugas may napaingnan na. Base sa datus sa PDEA, ang operasyon batok sa gidili nga drugas gikan sa Hulyo 1, 2016 hangtod Hulyo 31, 2020 miresulta.