NiKalit nga gihunong ang suporta sa mga bata

Dear Atty. Divine,

Nagbuwag mi sa akong bana since last year ug duna mi duha anak. Ang mga bata naa nako ug nagsuporta kanila ang amahan.  Apan sugod niadtong miaging buwan kalit lang nga gihunong ang iyang suporta og sa dihang ako kining gitawgan di na kini makontak.Naglisud ko karon kay tungod sa pandemic mihinay gyud ang akong buy and sell business. Unsay akong buhaton aron ma-obligar ang akong bana sa pagsuporta sa among mga anak. Daghang salamat.

Gloria

* * *

Dear Gloria,

Kun ikaw ug ang imong bana anaa magpuyo sa susamang barangay mamahimong mopasaka ka una og reklamo batok kaniya ngadto sa inyong barangay. Basi sa Local Gov’t Code ang pagpasaka daan og reklamo sa barangay alang sa conciliation usa kini sa pre-condition sa dil pa ikaw mopasaka og kaso sa Korte. Kun di mo mahusay sa barangay og magdumili gyud siya sa pagsuporta, then adto kana modangop sa korte aron ma-obligar gyud ang imong bana sa pagsuporta sa mga bata. Sigurado gyung paboran sa korte ang imong pangayuon nga suporta as long as maprubahan nimo sa court nga iyang mga anak ang mga bata ug nga napakyas na siya sa pagsuporta kanila. Hinuon ang kantidad sa suporta magdepende sa monthly need sa imong mga anak og sa capacity sa amahan. Thanks and God bless. – Atty. Divine

* * *

Alang sa inyong pangutana, palihug lang sa  pag email sa [email protected] ug akong tubagon ang inyong pangutana pinaagi sa akong column matag Miyerkukes, Sabado ug Domingo.