Si Berta
Si Berta ang trending nga bayot nga nalisoan og hustong pangisip gumikan sa bisyo ug gumikan sa pagkabilanggo sa gugma nga walay hinungdan. Nahimong sikat alang sa kadaghanan.
Ang iyang kahimtang sa kasamtangan bisan kun gitabangan na siya sa kadaghanan ang nagdapit kanato sa paghinuklog ning mosunod nga mga kamatuoran:
1. Kinahanglang magmatngon gyud sa atong makalambigit.
Dunay mga tawo nga nahimong kabahin sa atong kinabuhi nga mahimong magdala kanato sa tinud-anay nga kalipay o mahimong makabalhog kanato sa kaalautan.
2. Kun ugaling kita napukan mas makaayo nga dili na lang gyud kita magpasulabi sa atong gibati nga ato na lamang gub-on ang tanan alang kanato kay ang paghimo man sa ingon mao ang makapapukan nato sa hingpit.
3. Ayaw kahadlok sa kapakyasan. Mahimong pakyas ta karon apan sunod higayon mamahimo na kitang malampuson.
Kun sa atong tan-aw si Berta wala na sa iyang hustong panghunahuna apan ang mga pulong nalibkas niya sa iyang baba usa man ka pahimangno alang natong tanan.
Kay diha lamang sa pagkaamgo nga sa panahon sa atong kahayahay mahimong unongan kita sa tanan apan sa mga higayon sa atong mga kalisdanan mahimong biyaan kita sa tanan.
Ang mga tawo nga mobiya kanato sa atong kalisod dili angayan ug takus sa atong kalampusan.
Si Berta nga atong nakita bisan pa man kun mahikatawa kita sa iyang mga pasiaw ug sa iyang mga panahom apan nipahigmata sa matag usa kanato nga angayan kitang manlimbasog dili aron makita sa uban nga kita malampuson kondili aron makita nato nga kita kontento na sa atong kaugalingon.
Mahimong sama ni Berta kita maglaaglaag sa tanang mga dapit sa atong palibot ug mahimong kataw-an kita sa kadaghanan.
Apan sa katapusan bugtong kita lamang ang magpabiling mohukom kun asa gyud kita padulong.
- Latest