Adverse claim
Dear Atty. Divine,
Dunay gitanyag nga property sa akong mama ug gusto niyang paliton aron iyang himuon nga farm. Titulado ang maong property ug sa dihang nangayo mi og Certified True Copy sa Title duna may annotation sa adverse claim.
Among gipangutana ang seller kalabot niini ug miingon kini nga na settle na daw kini nga issue ug wa na manghilabot ang claimant.
Ang akong pamgutana kun unsa may epekto niining maong annotation? Unsay angay’ng buhaton aron mapalit gyud ang maong property? Daghang salamat.
Jade
* * *
Dear Jade,
Kun duna gani annotation sa Adverse Claim ang titulo buot ipasabot niini nga ang yuta adunay laing miangkon sa portion niini or sa kinatibuk-an. Kun interesado gyud ang imong mama nga mopalit niini, mas maayo nga iyang sultian ang seller nga sa dili pa kini niya bayran ipa cancel sa niini ang annotation.
Kun buhi pa ang nagpa annotate sa Adverse Claim mamahimo ra kining maoy mo request sa Register of Deeds nga ipatangtang ang iyang annotation apan kun patay na ang nagpa annotate, moadto gyud ang seller sa Korte mo file og Petition for cancellation sa annotation sa iyang title. Thanks and God bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
