Mag online mass lang ta

Sa akong hunahuna, maayo tingali nga kitang mga senior citizen, di lang ta mamugos pagtambong sa Misa de Gallo, after all, mosabot ra man tingali ang Ginoo kon mag-online mass lang ta.

Actually, di man problema kanato ang pagmata og sayo, apan, lisod alang kanato ang paglikay nga dili kita masagol padasok unya sa katawhan, aron ma-maintain ang social o physical distancing.

Unya, sa atong pagkaghi’g ulo, unsaon man nato pagseguro nga ang tanang manimbahay mag-face ask ug nag-face shield.

Ug kon limitado ang makasulod sa simbahan, tugnawa kaha no gawas sa simbahan, unya, di pa ta makalingkod? So, to be safe and for our convenience, mag-online mass na lang ta sa balay. Manghinaut na lang ta sa makatambong sa Misa, ila sad unta kitang iampo pag-usab.

By the way, makakalawat man gihapon ta pinaagi sa spiritual communion. Sa ato pa, ang Batang Hesus makasulod gihapon sa atong kasingkasing. Kana, kon duna pay space ang imong kasingkasing alang kang Hesus, tingali unya kon puno’ na sa mga butang ning kalibotan.

Nindot ra ba kaayo ning mga butang sa kalibotan… nagdalit kanato og instant happiness, dihadiha nga kalipay; ang gisaad nga kalipay sa langit duna pa kaayo to. Muagi pa ta’g daghang pagsulay.

Dili pareha sa mga kalipay ning kalibotan nga dili ta lisud-lisuron.

Sa inyo nang nasayran, dugay na kaayo ning mga dawn masses dinhi sa atong nasud, sukad pa sa

1660. Ug nalipay kita nga ang atong kagamhanan mihatag kanatog higayon pagpadayon niining maong tradition, taliwala sa hulga sa coronavirus.

Ug sa ato  nang gibalikbalik dinhi, ug alang niadtong wala makabasa niini dinhi atong lindog, ug sa ubang mga tinubdan, ania atong i-quote pag-usab kining gikan sa Internet bahin sa origin sa Misa de Gallo, o Simbang Gabi, o Mass of the Rooster. Nganong kaadlawon man?

The Simbang Gabi originated in the early days of Spanish rule over the Philippines, in or about 1660, during the early years of Christianity in the Philippines, that the Simbang Gabi became a Filipino religious service, as a practical compromise for farmers, who began work before sunrise to avoid the noonday heat out in the fields. This cherished Christmas custom eventually became a distinct feature of Philippine culture and became a symbol of sharing.

Kaadlawon, aron paghatag og higayon sa mga mag-uuma nga makasimba, aron makasayo usab sila pagtikad sa ilang mga uma, sa dili pa maglagiting ang kainit sa adlaw. Ug ginganlan usab og Mass of the Rooster, tungod kay literally, mao may ituktogaok sa mga manok niining maong mga taknaa (iksakto ba kaha ning akong ineterpretation no?)

So, ato gyud idayon ang Pasko. Dili ta mosugot nga ato kining i-postpone, o kanselahon, kay kon mao kini ang atong buhaton malipay kaayo ang mga ahente sa coronavirus.

Alang kanila, usa ka dakung kadaugan batok sa katarong ug kaligdong, ug batok sa pagpakatawo sa atong Manunubos.

Sa ako nang giingon, let’s celebrate Christmas and welcome the Child Jesus in our hearts, in our homes, with all the members of the family. Di ba ni nato mahimo?