Aspeto sa matag relasyon

A. Durability kun kalig-on. Ang tinud-anay nga relasyon kinahanglang lig-on bisan pa man sa daghang mga kalisdanan ug mga pagsulay.

Dili paigo lang ang katam-is, kinahanglan nga kini lig-on. Labaw na ning panahon sa dakong panginahanglan ang pagpabiling lig-on diha sa pagkamatinud-anon kinahanglang mamahimong sukaranan sa pagpabilin nga ligdong.

B. Aesthetics. Kinahanglang dili boring ang atong relasyon sa usag usa.

Ato kining himoon nga mabulokon ug makahuloganon pinaagi sa pag ritualize nga sa tinuoray gayud atong gikinahangan ang usag usa.

C. Functionality. Mo-work out ba gyud ang inyong relasyon? Kun dili ayaw na lang pugsa kay mas makadaut kini.

(Hinumdomi dili lang kini mahitungod sa managhigugmaay kondili alang kini kanatong tanan.)

D.  Affordability. Dili lang kini mahitungod sa salapi kondili sa demands nga kuyog sa maong relasyon.

Basin baya og demanding ra kaayo kini at the expense sa imong kaugalingong privacy ug sa imong kaugalingong kalipay dili ba?

Mao nga kuyog sa imong kauban o mga kaubanan buhata kining mosunod:

1.  Dream together as a team. Nindot gyud nga may kuyog o kauban ka diha sa paggambalay sa imong mga damgo sa kinabuhi.

2. Daring together kun ang pag risgo ingon nga katilingban maoy makapahimo sa panaw ingon nga kulbahinam.

3. Believing kun ang pagtuo mahinungdanon kaayo. Kay kun wala ang pagtuo ingon man ang pagsalig sa usag usa ang tanan mamahimong kawang ug walay kapaingnan.

4. Doing kun ang paglihok sa mga tahas ingon nga pundok o katilingban mahinungdanon man kaayo aron dunay sense of ownership sa tanan nga atong gipanghimo ug gipanglimbasogan.