Yuta nga wa malukat dili automatic nga mapanag-iya sa giprendahan
Dear Atty. Divine,
Dunay yuta among parents nga ilang giprenda sa among silingan after na hospital ang akong tatay. Ang ilang principal nga nahuwam P400,000.00. Wa kini mabayri sa among ginikanan ug karon miabot na og P750,000.00 ang ilang utang. Ang nalatid sa ilang Real Estate Mortgage bayran ang maong utang sud sa tulo ka tuig ug mi due na kini last month. Apil sa ilang terms nga kun mapakyas pagbayad ang akong parents, ang giprendahan sa yuta mao nay manag iya niini. Ang akong pangutana kun pwede ba diay ma automatic og balhin ang ownership sa yuta ngadto sa giprendahan? Daghang salamat.
Lina
* * *
Dear Lina,
Bisan pa kun napakyas ang imong parents sa pagbayad sa ilang utang, dili mamahimong ma automatic og balhin ang ownership sa yuta nga gihimong collateral ngadto sa creditor. Basi sa Article 2088 sa atong New Civil Code, kini nagkanayon nga ang creditor dili mamahimong mo appropriate sa butang nga giprenda ngadto kaniya ug ang bisan unsang kasabutan may labot niini dili balido.
Ang mahitabo kun mapakyas gyud imong parents sa paglukat sa ilang yuta, ang giprendahan niini mo foreclose sa property ug ang halin sa yuta maoy ibayad sa ilang utang. Ang maayo ninyong buhaton mao ang paghangyo sa giprendahan nga hatagan pa mo og taas nga panahon sa pag settle sa utang ilabi na karong panahona nga ang tanan apektado sa pandemic. Thanks and God bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
