Graft ug korapsiyon

Ang korapsyon sa tinamban nato nga pagsabot mao ang dili maayo nga paggamit ug pag-abuso sa opisina sa gobiyerno alang sa pesonal nga kaayohan o interest. Ang graft kabahin lamang sa kinatibok-ang korapsyon. Ang graft dili puwede nga mapalayo sa korapsyon tungod kay mao kini ang gigamit nga paagi aron mahimo ang korapsyon. Buot ipasabot si graft ug korapsyon sumpay og tina-e. Mao nga ang mga binuhatan nga naglambigit og korapsyon gitawag og graft ug korapsyon.

Tungod sa kahulogan sa korapsyon, kanunay gayod nga mabantang sa mga mata ug madunggan sa dalunggan sa katawhan ang mga opisyal ug kawani sa gobyerno nga nalambigit sa graft ug korapsyon. Apan ang korapsyon kun imong palawman sa pagsabot dili lamang kini mahimo diha sa mga buhatan sa gobyerno ug dili lamang kini mahimo sa mga opisyal ug kawani sa gobyerno.

Ang korapsyon mahimo usab kini sa mga pribadong buhatan ug pribadong mga tawo. Gani sa tagsa-tagsa nato ka pamilya adunay kaso usab sa korapsyon.

Duha ka matang ang korapsyon. Adunay korapsyon nga gamay o pity korapsyon ug dagko nga korapsyon o institutionalized nga korapsyon. Ang pity nga korapsyon mao kining atong makita sa kadalanan nga gihimo sa mga police o mga traffic enforcers nga midawat og suborno sa mga drivers nga nakalapas sa balaud sa trapiko. Samtang ang institutionalized nga korapsyon mao kining gihimo diha sa mga tag-as nga opisina ug buhatan sa gobyerno sama sa Malakanyang, PhilHealth, Department of Public Works and Highways, Bureau of Immigration, Bureau of Customs, Bureau of Internal Revenue, Land Transportation Office, Land Transportation Franchising and Regulatory Board ug uban pa.

Ang korapsyon nakadulot na kini sa kinabuhi sa mga tawo. Gani maingon nato nga nahimo na kining kabahin sa ilang kinabuhi. Busa dili kini masulbad pinaagi lamang sa giumol ni Presidente Duterte nga Task Force.

Ako nagtuo nga ang korapsyon masulbad pinaagi sa usa ka rebolusyon sa atong kultura. Langay man tuod kini pero, at least, mawala kini sa hingpit.