How to drive a woman to ecstasy

Mao kini ang kasagarang hirit Tay Plabling Baladjay nga taga Ibabao, Sogod, Cebu. Suod siya nga higala ni Uncle Joel Lawes ug Auntie Brenda Lawes. Suod nako ang iyang anak nga si Ting Ablit ang kasamtangang kapitan karon sa Ibabao ug sa asawa niining si Inday Riza Comendador Baladjay.

Matag hapit nako kang Tay Pabling iya gyung daklitan kining topic kalabot sa paglipay sa us aka babaye. Gani iya pa kong gisaaran nga hatagan ko niya sa maong libro apan salamat na lang nga wala pud niya kini mahatag unsaon na lang.

Adunay sense of humor kining si Tay Pabling. Bisan sayod kong lisud na gyud alang kaniya ang paghimo kun unsay anaa sa iyang hunahuna gumikan sa iyang pangedaron ug sa iyang gihambing balatian. Ang iyang kasingkasing pabiling batan-on sa gihapon. Mao ni hinungdan kun nganong padayon siyang nanlimbasog nga magpakabuhi hangtod sa katapusan niyang utnga ug gininhawa. Alang nako he lived a full life.

Ning panahon sa dakong kalisdanan nakita nako ang dakong kamahinungdanon diha sa paghupot og kinahiya nga sama sa usa ka bata but not necessarily bata bataon. Kini aron:

1. Kita makakita sa gihapon sa bili sa kinabuhi. Kay kun wala ang pasiaw ug pahiyom nga matuod mamahimong daw laay ra gyud kaayo ang tanan. Ug  kun laay man gani ang tanan unsaon man lang nato pagpadayon sa atong gitinguhang kalipay?

2. Dili tanang butang seryosohon dunay mga butang nga mahimong ipaagi lang nato sa komedya apil na niini ang mga problema.

3. Dunay mga tawo nga tingali tungod sa problema buot nalang mahanaw apan human Makita ang atong pahiyom sila nakakita nga luyo sa itom nga dag-om anaa ang paglaum.

Lisud kaayo rong mga panahona uy! Mao kini tuwaw sa usa sa akong mga higala. Apan ang bugtong paagi sa pag-asdang niini sama sa gihimo Tay Pabling matag adlaw sa iyang kinabuhi. Mahimong alang sa panan-aw sa uban iyang gipakagamay ug gihimong trivia ang tanan apan alang kaniya mahimong paagi kini sap ag survive. Makapila niya balik balika nga laughter is the best medicine! Ug tuod man mahigugmaon gyud siya sa bahakhak! Mao nga nalugwayan gyud ang iyang kinabuhi.

Matag piyesta sa Bawo anaa gyud siya motambong. Matag piyesta didto siya makig-inom inibanan ang paglakbit saysay sa ilang mga kagahapon inubanan og pagbahakhak kay anaa man didto ang sugilanon sa ilang mga binilyako ug kawatsinanggo! Ang maong mga kawatsi mao man ang naghatag kanila og hataas nga lanat sa pagginhawa sa hangin ning kalibutana.

Dili pa lang dugay gihimo namo ang among renewal ingon nga mga pari ning parasan sa Ginoo sa Artsidyosesis sa Sugbo. Ang kasaulogan gihimo didto sa Parokya ni Santa Catalina sa Carcar. Nagkita mi sa akong kanhi kura nga si Padre Maning Narsico seryoso kaayo siyang nitutok kanako. Tinukmod sa akong instinct akong gikuha ang iyang kamot aron ako moamin. Iyang gibuhian ang hilom apan kinasingkasing pahiyom.

At least, nahinumdom pa siya nako ingon nga iyang anak anak kanhi sa Catmon. Ug ang iyang bahakhak inubanan sa awit nga My Way mao man ang nakapadugang sa iyang kinabuhi. Lisud man tuod rong panahona apan wala kini magpasabot nga dili na lang gyud ta mangatawa.