Wa na makabalik og trabaho tungod sa pandemic

Dear Atty. Divine,

Nagtrabaho ko sa usa ka massage parlor for 2 years na. Apan tungod sa pandemic  wa mi kabalik og trabaho  sukad niadtong Marso hangtud karon.

Giingnan mi sa employer nga tawgan ra mi kon ma-normalize  na ang ilang operasyon.

Ang akong pangutana kun makadawat ba mi og 13th month pay nga wa man mi  makabalik og trabaho? Daghang salamat.

John

* * *

Dear John,

Kun nakatrabaho mo kutob Marso karong tuiga, makadawat gihapon mo  og 13th  month pay apan equivalent lang og  tulo ka buwan.

Di sab ta kabasol sa imong employer kay apektado man sab gyud pag ayo ang ilang negosyo karong panahona so di gyud ta  kapugos kanila sa pagbalik  sa operasyon.

Apan human sa pipila ka buwan gikan sa pag Modified General Community Quarantine kon MGCQ status sa lugar kun di pa gihapon mo  pabalikon sa pagtrabaho then pwede na mo nga mangayo og assistance sa Dole labot sa inyong kondisyon  kay di man sab mahimo maghuwat nalang sab mo hangtud sa hangtud. Thanks and God Bless.

Atty. Divine

* * *

Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.