Gustong mangayo og suporta sa amahan sa bata

Dear Atty. Divine,

Duna koy anak sa akong live-in partner apan nagbuwag na mi sa amahan sa bata last year pa. Ang iyang apelyido maoy gigamit sa akong anak. Wa siya magsuporta sa bata bisan kun duna siya'y stable job. Ang akong pangutana kun makademand ba  ko niya og financial support sa bata  bisan kun di kami kasal? Kun pwede ko mangayo og support pila man ang dapat pangayuon matag buwan? Daghang salamat —Aida

Dear Aida,

Yes, bisan kun di mo kasal, duna kay katungod nga mangayo og suporta alang sa imong anak. Obligado ang amahan nga mohatag og financial support sa bata bisan kun kini illegitimate. Ang atong balaod wa magtakda kun pila ang dapat ihatag apan magdepende  kini sa need sa imong anak ug sa capacity sa giver. So ang maayo nimo nga buhaton mao ang pag-compute sa monthly expenses sa imong anak ug mao kini ang imong basihan sa pangayuon nimong suporta. Thanks and God bless. —Atty. Divine

* * *

Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.