EDITORYAL - No-el sa 2022?

Sa panahon sa eleksyon ra gyud mahatagan og gahum ang mga yanong Pilipino aron makapili og sa ilang tan-aw mga maayong lider lokal man o sa nasyonal.

Kini katungod sa tanang anaa sa saktong edad nga mga Pilipino, ang pagbotar bassee sa nalatid nga batakang katungod diha sa Konstitusyon. Anhi mamahimong hukom ang mga tawo.

Anhi sab sila makapatangtangtang og mga way ayong opisyales sa nasud ug sa ilang mga lokal nga kagamhanan. Sa laktod, naa sa tumoy sa ilang mga ballpen ang kapalaran sa mga politiko kun ang ilang kasing-kassing ug konsensiya maoy pasulabihon.

Apan ning bag-o, dunay giplautaw nga sugyot ang usa ka kongresista sa Luzon nga mas maayong iuktaba ang 2022 elections tungod sa hulga sa COVID-19 kay kuno nahadlok iyang mga konstituwente.

Sama sa edukasyon, ang eleksyon o pagbotar sa mga tawwo basic right. Katungod sa mga tinun-an o mga kabataang Pilipino nga ma-edukar mao nga bisan sa peligro ug hulga sa pandemiya nahimoan kini og paagi sa DepEd

Busa wa say rason ang Comelec aron dili makapangita og pamaagi aron mahinayon ang piniliay sa 2022. Layo pa ang eleeksyon taas pa kaayo ang panahon aron makapreparar.

Kun COVID-19 ang gikabalak-an, unsa may kapusslanan sa mga gipanghimo sa gobiyerno pagpugong sa pagkatap niini kung dili kini mabuhat atol sa adlaw sa piniliay?

Ang klase sa mga tinun-an usa ka tuig samtang ang eleksyon usa ra ka adlaw. Nasolusyonan gani.

Mahimo man kining buhaton sa Comeelec bisan duha o tulo ka adlaw inabagan sa IATF.

Gawas nalang tingali kun ang kasamtangang mga naglingkod dili gyud gustong magpapuli sa pwesto.

Sayo pa kaayo aron magpalutaw og estoryang sama niini ug gamitong pasumangil ang pandemiya, Usahay makapaduda hinuon sa motibo aning mga nagduso aning ideyaha.

Unsaon nalang intawon ang mga lugar nga way ayo ang mga opisyales, magpatuyang pa sa pagpangawkaw? Di man tingai angay mabalaka ang mga tarong kay siguro man gyud silang botaran gihapon pagbalik sa mga konstituwente.