Gipadeklarar sa korte nga patay na ang asawa

Dear Atty. Divine,

Ang akong igsuon nga babaye nagtrabaho abroad. Duna siya'y pamilya ug usa ka anak. Naputol ang ilang communication sa iyang bana kay at that time di pa man uso ang internet so wa pay messenger or viber og ang means of communication nila long distance call ra. After a year nga wa makakontak akong igsuon ang iyang bana nakakita og laing babaye ug nag-file siya og petition sa korte iyang gipa-declare nga patay na ang akong igsuon og nagpakasal sila sa iyang babaye. Karong bag-o, miuli ang akong igsuon. Ang akong pangutana kon valid ba ang second marriage sa iyang bana? Unsay angayang buhaton sa akong igsuon labot sa iyang kaminyuon human siya gipa-declare nga patay na? Daghang salamat. —Jenny

Dear Jenny,

Ang second marriage sa bana sa imong igsuon valid kini kay nakakuha man siya og Court Order. Apan tungod sa pagbalik sa imong igsuon nga maoy una niyang asawa materminated ang iyang second marriage pinaagi sa record sa Affidavit of Reappearance sa imong igsuon ngadto sa Local Civil Registrar basi sa Article 42 sa atong Family Code. Kana kon interesado pa imong igsuon nga makig-uli sa iyang bana. Apan kon di mo execute imong igsuon og Affidavit of Reappearance og mo-submit niini sa Local Civil Registrar then magpabilin ang second marriage sa iyang bana og dili kini materminated. Busa kon mamatay ang iyang bana ang second wife maoy dunay katungod nga mo inherit kaniya kon di niya iprocess ang iyang reappearance. Thanks and God bless. —Atty. Divine

* * *

Alang sa inyong pangutana palihug lang sa pag email sa [email protected] og akong tubagon ang inyong pangutana pinaagi sa akong column matag Miyerkules, Sabado ug Domingo.